നാദാപുരം: മാസങ്ങളുടെ ഇടവേളക്ക് ശേഷം മേഖലയില്‍ നിന്നും വീണ്ടും ബോംബുകള്‍ കണ്ടെത്തി. ഇന്നലെ എളയടത്ത് നിന്നാണ് അഞ്ച് നാടന്‍ ബോംബുകള്‍ ലഭിച്ചത്. ചാലിക്കണ്ടി പറമ്പില്‍ പി.വി.സി പൈപ്പിനുള്ളില്‍ ഒളിപ്പിച്ചു വെച്ച നിലയിലായിരുന്നു ബോംബുകള്‍. പറമ്പില്‍ ജോലിക്ക് വന്ന തൊഴിലാളികളുടെ ശ്രദ്ധയില്‍ പെട്ടപ്പോള്‍ പോലീസിലറിയിക്കുകയായിരുന്നു. പോലീസെത്തി ബോംബുകള്‍ കസ്റ്റഡിയിലെടുത്തു. ബോംബ് സ്‌ക്വാഡും പോലീസും തെരച്ചില്‍ നടത്തി. നേരത്തെ പല തവണ ഇവിടെ നിന്നും ബോംബുകള്‍ കണ്ടെത്തുകയും സ്‌ഫോടനം നടക്കുകയും ചെയ്തിരുന്നു.
