നന്തിബസാര്‍: കോണ്‍ഗ്രസ്സിന് നന്തിയില്‍ ഇത് ഉണര്‍വ്വുകാലം. ഇത്‌വരെ സംഘടനാപ്രവര്‍ത്തനങ്ങള്‍ നിര്‍ജ്ജീവമായിരുന്ന ടൗണിലും പരിസരത്തും പ്രവര്‍ത്തനങ്ങള്‍ ഊര്‍ജിതമാക്കുവാന്‍ നന്തിമേഖല കോണ്‍ഗ്രസ്സ് യോഗം തീരുമാനിച്ചു. 20 വര്‍ഷക്കാലമായി കോണ്‍ഗ്രസ്സുമായി തെറ്റിപ്പിരിഞ്ഞ് സി.പി.എമ്മിലായിരുന്ന മുന്‍ യൂത്ത് കോണ്‍ഗ്രസ് മെമ്പര്‍ എം.കെ മുഹമ്മദ് ആദ്യമായി വേദിയിലെത്തിയതോടെ അണികള്‍ക്ക് ആവേശത്തിന്റെ തിരയിളക്കം. കോണ്‍ഗ്രസുമായി തെറ്റിയശേഷം മുഹമ്മദ് 10 വര്‍ഷം മൂടാടി ഗ്രാമപഞ്ചായത്ത് പ്രസിഡന്റായിരുന്നു. സി.പി.എമ്മില്‍ നിന്നുള്ള അവഗണനയാണ് മുഹമ്മദിനെ മാതൃസംഘടനയില്‍ എത്തിച്ചത്. രൂപേഷ് കൂടത്തില്‍ അധ്യക്ഷത വഹിച്ചു. ഡി.സി.സി മെമ്പര്‍ വി.പി ഭാസ്‌കരന്‍, കാളിയേരി മൊയ്തു, ആര്‍.നാരായണന്‍, പി.വി.കെ അഷ്‌റഫ്, കണിയാംങ്കണ്ടി രാധാകൃഷ്ണന്‍, കെ.വി ഗഫൂര്‍, ഷിഹാബ്, ബാബു, അബ്ബാസ്, അല്‍മാസ്, പപ്പന്‍ മൂടാടി, റഫീഖ് തൈക്കണ്ടി എന്നിവര്‍ പ്രസംഗിച്ചു.
