പയ്യോളി: കേരള സംസ്ഥാനത്തോടും ജനതയോടും കേന്ദ്രസർക്കാർ നിഷ്ഠൂരമായ രീതിയിൽ പക വീട്ടുകയാണെന്ന് സിപിഎം കേന്ദ്ര കമ്മിറ്റിഅംഗം എളമരംകരീം അഭിപ്രായപ്പെട്ടു. സിപി എം പയ്യോളി ഏരിയ സമ്മേളനത്തിന് സമാപനം കുറിച്ച് നന്തിയിലെ സീതാറാം യെച്ചൂരി നഗറിൽ സംഘടിപ്പിച്ച പൊതുസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരളം കണ്ട പ്രകൃതിദുരന്തങ്ങളിലൊന്നായ വയനാട്ടിലെ ചൂരൽ മലയിലും, മുണ്ടക്കയത്തും ഉണ്ടായത്.
സിപിഎം പയ്യോളി ഏരിയ സമ്മേളനത്തിൻ്റെസമാപനം കുറിച്ച് നന്തിയിലെ സീതാറാം യെച്ചൂരി നഗറിൽ സംഘടിപ്പിച്ചപൊതുസമ്മേളനം കേന്ദ്ര കമ്മിറ്റി അംഗം എളമരം കരീം ഉദ്ഘാടനം ചെയ്യുന്നു
കേരള ഗവൺമെൻറ് വളരെ ഗൗരവത്തോടെയാണ് ഈ പ്രശ്നത്തെകണക്കിലെടുത്തത്. ദുരിതാശ്വാസ പ്രവർത്തനം ഏകീകരിക്കാൻ 5 മന്ത്രിമാർ അടങ്ങുന്ന സംഘത്തെ വയനാട്ടിലേക്ക് നിയോഗിച്ചു. തുടർന്ന് പ്രധാനമന്ത്രി സംഭവസ്ഥലം സന്ദർശിച്ചു. ഇന്നുവരെയും ഒരു സഹായവും പ്രധാനമന്ത്രി പ്രഖ്യാപിച്ചിട്ടില്ല. കേരള ജനതയോട് ക്രൂരമായിപക വീട്ടുന്ന സമീപനമാണ് മോദിസർക്കാർ സ്വീകരിച്ചിരിക്കുന്നത്. കേരളത്തിലെ യുഡിഎഫ് ആകട്ടെ കേന്ദ്രത്തിന്റെ ഈ നിലപാടിനെ പിന്തുണക്കുന്ന നയവുമായി മുന്നോട്ടു പോകുകയാണെന്നും എളമരം കരിം പറഞ്ഞു.
