കൊയിലാണ്ടി: സംസ്ഥാന ലൈബ്രറി കൗണ്‍സില്‍ പിരിച്ചുവിടാനുള്ള സര്‍ക്കാര്‍ നീക്കത്തില്‍ പ്രതിഷേധിച്ച് ഡിസംബര്‍ 18-ന് നടക്കുന്ന സെക്രട്ടേറിയറ്റ് മാര്‍ച്ചിന്റെ പ്രചാരണാര്‍ഥം നടത്തിയ ഗ്രന്ഥശാലാസംഘം സംരക്ഷണ സാംസ്‌കാരിക ജാഥയ്ക്ക് കൊയിലാണ്ടിയില്‍ സ്വീകരണം നല്‍കി. മുന്‍ എം.എല്‍.എ. പി. വിശ്വന്‍ ഉദ്ഘാടനം ചെയ്തു. സംസ്ഥാന ലൈബ്രറി കൗണ്‍സില്‍ അംഗം കന്‍മന ശ്രീധരന്‍ അധ്യക്ഷത വഹിച്ചു. താലൂക്ക് സെക്രട്ടറി കെ.കെ. പ്രദീപന്‍, പി.കെ. സുധാകരന്‍, പി.കെ. സുധീര്‍, ശിവദാസ് പൊയില്‍ക്കാവ്, സത്യചന്ദ്രന്‍ പൊയില്‍ക്കാവ് എന്നിവര്‍ പ്രസംഗിച്ചു.
