പയ്യോളി: മണ്ണെണ്ണ, പാചക വാതക ഇന്ധനങ്ങളുടെ വില ക്രമാതീതമായി വർദ്ധിപ്പിച്ച് ജനജീവിതം ദുസ്സഹമാക്കുന്ന കേന്ദ്ര സർക്കാർ നയങ്ങൾ തിരുത്തണമെന്നും, വർദ്ധിപ്പിച്ച ഇന്ധനവിലകുറക്കണമെന്നും സി ഐ ടി യു പയ്യോളി ഏരിയകൺവെൻഷൻആവശ്യപ്പെട്ടു. പയ്യോളിഅരങ്ങിൽ ശ്രിധരൻ ഓഡിറ്റോറിയത്തിലെ പി ഗോപാലൻ നഗറിൽ കൊയിലാണ്ടി ഏരിയ കമ്മിറ്റി വിളിച്ചു ചേർത്ത കൺവെൻഷൻ ജില്ല ജനറൽ സെക്രട്ടറി പി കെ മുകുന്ദൻ ഉദ്ഘാടനം ചെയ്തു.
സി ഐ ടി യു പയ്യോളി ഏരിയ കൺവൻഷൻ ജില്ല ജനറൽ സെക്രട്ടറി പി കെ മുകുന്ദൻ ഉദ്ഘാടനം ചെയ്യുന്നു.
ഏരിയപ്രസിഡന്റ്എം പത്മനാഭൻ അധ്യക്ഷനായി. കൺവൻഷൻ പയ്യോളിയിൽ 25 അംഗങ്ങളടങ്ങുന്ന പുതിയ ഏരിയ കമ്മറ്റിക്ക് രൂപം നൽകി. ജില്ല സെക്രട്ടറി കെ കെ മമ്മു, സി കുഞ്ഞമ്മദ്, എ സോമശേഖരൻ എന്നിവർ സംസാരിച്ചു. ഏരിയ സെക്രട്ടറി എം എ ഷാജി സ്വാഗതവും കെ കെ പ്രേമൻ നന്ദിയും പറഞ്ഞു.
ഭാരവാഹികളായി പ്രസിഡന്റ് കെ കെ മമ്മു, വൈസ്പ്രസിഡണ്ടുമാർ പി വി രാമചന്ദ്രൻ, എ എംവിജയലക്ഷ്മി,പിജനാർദ്ദനൻ, പ്രവീൺകുമാർ, സെക്രട്ടറി കെ കെ പ്രേമൻ, ജോ.സെക്രട്ടറിമാർ പി വി മനോജൻ, എൻ ടി രാജൻ, ടി ലളിത ബാബു, എംടിഗോപാലൻ, ട്രഷറർ കെ എം രാമകൃഷ്ണൻ എന്നിവരെ തിരഞ്ഞെടുത്തു.
