ദുബൈ: ദുബൈ റണിനോട് അനുബന്ധിച്ച് ശൈഖ് സായിദ് റോഡ് നാളെ അടച്ചിടുമെന്ന് അറിയിച്ച് റോഡ്സ് ആന്ഡ് ട്രാന്സ്പോര്ട്ട് അതോറിറ്റി (ആര് ടി എ). നവംബര് 20 ഞായറാഴ്ചയാണ് റോഡ് അടച്ചിടുക. ശൈഖ് സായിദ് റോഡിന് പുറമെ ഏതൊക്കെ റോഡുകള് ദുബൈ റണിന്റെ ഭാഗമായി അടച്ചിടുമെന്നും ആര്ടിഎ വ്യക്തമാക്കി.
- ശൈഖ് സായിദ് റോഡ്, മുഹമ്മദ് ബിന് റാഷിദ് ബോലെവാഡ് റോഡ് – രാവിലെ നാലു മണി മുതല് രാവിലെ 10 മണി വരെ.
- ഫിനാന്ഷ്യല് സെന്റര് റോഡ്- രാവിലെ നാലു മണി മുതല് രാവിലെ 10 മണി വരെ
- ശൈഖ് മുഹമ്മദ് ബിന് റാഷിദ് ബോലെവാഡ് റോഡ് രാവിലെ നാലു മണി മുതല് രാവിലെ 10 വരെ.
വാഹനയാത്രികര് ഈ റോഡുകള്ക്ക് പകരമുള്ള റൂട്ടുകളില് യാത്ര ചെയ്യണമെന്നും അധികൃതര് ഓര്മ്മപ്പെടുത്തി. അല് വാസ് ല് സ്ട്രീറ്റ്, അല് ഖൈല് റോഡ്, അല് മെയ്ദാന് സ്ട്രീറ്റ്, അല് അസായേല് സ്ട്രീറ്റ്, സെക്കന്ഡ് സബീല് സ്ട്രീറ്റ്, സെക്കന്ഡ് ഡിസംബര് സ്ട്രീറ്റ്, അല് ഹാദിഖ സ്ട്രീറ്റ് എന്നിവയാണ് പകരമുള്ള റൂട്ടുകള്.