ലുലു ഗ്രൂപ്പിനെതിരായ വ്യാജ പ്രചാരണങ്ങളിൽ പ്രതികരിച്ച് ജമ്മു കശ്മീർ ലഫ്. ഗവർണർ

news image
Mar 21, 2023, 5:16 am GMT+0000 payyolionline.in

ശ്രീനഗർ∙ ലുലു ഗ്രൂപ്പിനും ചെയർമാൻ എം.എ. യൂസഫലിക്കും എതിരെ നടക്കുന്ന വ്യാജ പ്രചാരണങ്ങൾക്കെതിരെ ജമ്മു കശ്മീർ ലഫ്റ്റനന്റ് ഗവർണർ മനോജ്‌ സിൻഹ. മാൾ ഓഫ് ശ്രീനഗറിന്റെ തറക്കല്ലിടൽ ചടങ്ങിലായിരുന്നു അദ്ദേഹത്തിന്റെ പ്രതികരണം.

‘‘അടുത്ത കാലത്തായി എല്ലാ നല്ല പ്രവൃത്തികളെക്കുറിച്ചും തെറ്റായ പ്രചാരണങ്ങളാണ് കണ്ടുവരുന്നത്. ഈ അടുത്തിടെ ലുലു ഗ്രൂപ്പിനെ നിരോധിച്ചു എന്ന വാർത്ത എന്നോട് ഒരാൾ പറഞ്ഞു. ഇതുപോലെ തലയും വാലുമില്ലാത്ത വാർത്തകൾ പ്രചരിപ്പിക്കുന്നവരുടെ എണ്ണം കൂടുതലാണ്. എല്ലാത്തിലും നെഗറ്റീവ് കാണരുതെന്ന്  പറയാൻ ആഗ്രഹിക്കുന്നു.’ – മനോജ്‌ സിൻഹ പറഞ്ഞു. സമൂഹ മാധ്യമങ്ങളിലും ചില യുട്യൂബ് ചാനലുകളിലും വസ്തുതാവിരുദ്ധമായ പ്രചാരണങ്ങളാണ് ഇക്കാലയളവിൽ നടന്നതെന്നും അദ്ദേഹം പറഞ്ഞു.

Get daily updates from payyolionline

Subscribe Newsletter

Subscribe on telegram

Subscribe