പത്തനംതിട്ട: ശബരിമല സന്നിധാനത്ത് വെടിപ്പുരക്ക് തീപിടിച്ച് ഉണ്ടായ അപകടത്തില്‍ പൊള്ളലേറ്റ് ചികിത്സയിലിരുന്നയാള്‍ മരിച്ചു. ആലപ്പുഴ ചെറിയനാട് തോന്നയ്ക്കല്‍ ആറ്റുവാശ്ശേരി വടക്കേതില്‍ എ ആര്‍ ജയകുമാറാണ് മരിച്ചത്.47 വയസായിരുന്നു. സന്നിധാനത്ത് വെടിവഴിപാടിനുള്ള കതിന നിറക്കുന്നതിനിടെയുണ്ടായ പൊട്ടിത്തെറിയില്‍ ജയകുമാറിന് 70 ശതമാനത്തോളം പൊള്ളലേറ്റിരുന്നു.

തുടര്‍ന്ന് കോട്ടയം മെഡിക്കല്‍ കോളേജ് ആശുപത്രിയില്‍ അതീവ ഗുരുതരാവസ്ഥയില്‍ ചികിത്സയിലായിരുന്നു. ജയകുമാറിനൊപ്പം ചെങ്ങന്നൂര്‍ സ്വദേശികളായ രജീഷ്, അമല്‍ എന്നിവര്‍ക്കും പരുക്കേറ്റിരുന്നു.