ചെന്നൈ > 2026ലെ തെരഞ്ഞെടുപ്പിൽ തമിഴക വെട്രി കഴകം അധികാരത്തിൽ വരുമെന്ന് വിജയ്. ജനങ്ങൾക്കു വേണ്ടി പ്രവർത്തിക്കുന്ന സർക്കാരായിരിക്കുമെന്നും നടനും തമിഴക വെട്രി കഴകം അധ്യക്ഷനുമായ വിജയ് പറഞ്ഞു. നീതിപൂര്വമായ തെരഞ്ഞെടുപ്പാണ് ജനാധിപത്യത്തിന്റെ ആണിക്കല്ല്. ജനങ്ങള്ക്ക് അടിസ്ഥാന സൗകര്യങ്ങള് പോലും ഉറപ്പാക്കാത്ത സര്ക്കാരിനുള്ള മറുപടി 2026ല് ജനം നല്കുമെന്നും അദ്ദേഹം പറഞ്ഞു.
വിസികെ ഡെപ്യൂട്ടി ജനറല് സെക്രട്ടറി ആധവ് അര്ജുന തയ്യാറാക്കിയ എല്ലോര്ക്കും തലൈവര് അംബേദ്കര്’ എന്ന പുസ്തകത്തിന്റെ പ്രകാശന ചടങ്ങില് സംസാരിക്കുകയായിരുന്നു വിജയ്. രാജ്യം മുഴുവന് ചര്ച്ചയായ വിഷയമായിരുന്നു മണിപ്പുരിലേത്. പക്ഷെ കേന്ദ്രം മാത്രം അറിഞ്ഞില്ല. ശുദ്ധജലത്തില് മനുഷ്യ വിസര്ജ്യം കലര്ന്ന വേങ്കവയല് സംഭവത്തില് സംസ്ഥാന സര്ക്കാര് ഇതുവരെയും നടപടി സ്വീകരിച്ചിട്ടില്ലെന്നും വിജയ് ചടങ്ങിൽ സംസാരിച്ചു. അംബേദ്കര് ജന്മദിനം രാജ്യം ജനാധിപത്യ അവകാശ ദിനമായി ആചരിക്കണമെന്നും വിജയ് അഭിപ്രായപ്പെട്ടു.
