കൊച്ചി: അതിദരിദ്രരുടെ പട്ടികയിലുള്ളവർക്കുള്ള ഭക്ഷ്യക്കിറ്റ് പൂഴ്ത്തിയതിൽ തൃക്കാക്കര മുൻസിപ്പാലിറ്റിയിലേക്ക് ഡിവൈഎഫ്ഐ പ്രതിഷേധ പ്രകടനം നടത്തി. 41പേർക്കുള്ള കിറ്റാണ് വിതരണം ചെയ്യാതെ മാറ്റിവച്ചത്. എലി കയറി ഭക്ഷ്യക്കിറ്റ് നശിച്ചതോടെയാണ് എൽഡിഎഫ് അംഗങ്ങൾ വിഷയം പുറത്തുകൊണ്ടുവന്നത്.
എങ്ങനെ വിതരണം ചെയ്യും എന്നതിലെ ആശയക്കുഴപ്പമാണ് കിറ്റ് വിതരണം വൈകാൻ കാരണമെന്നാണ് നഗരസഭ ചെയർപേഴ്സണ്‍ രാധാമണിപിള്ളയുടെ വിചിത്രമായ വിശദീകരണം. വീടുകളിലേക്ക് ഭക്ഷ്യക്കിറ്റ് എത്തിക്കാനുള്ള നടപടികൾ തുടങ്ങിയപ്പോഴാണ് കിറ്റ് നശിച്ചതായി ശ്രദ്ധയിൽ പെട്ടതെന്നും ചെയർപേഴ്സണ്‍ വിശദീകരിച്ചു. കിറ്റുകളിൽ എലി കയറാതിരിക്കാൻ ഇപ്പോൾ വാഹനത്തിനുള്ളിൽ കിറ്റുകൾ ഇപ്പോഴും കൂട്ടിയിട്ടിരിക്കുകയാണ്.
