കോ​ഴി​ക്കോ​ട്: പാ​ലി​ന്റെ അ​ണു ഗു​ണ​നി​ല​വാ​ര​ത്തി​ൽ ഇന്ത്യ​ക്കു​ത​ന്നെ മാ​തൃ​ക​യാ​വു​ക​യാ​ണ് മി​ൽ​മ മ​ല​ ബാ​ർ മേ​ഖ​ല യൂ​നി​യ​ൻ. പാ​ലി​ലെ സൂ​ക്ഷ്മാ​ണു​ക്ക​ളെ പ​രി​ശോ​ധ​നാ വി​ധേ​യ​മാ​ക്കി കേ​ന്ദ്ര മൃ​ഗ സം​ര​ക്ഷ​ണ മ​ന്ത്രാ​ല​യം ന​ൽ​കു​ന്ന അം​ഗീ​കാ​രം ഈ​യി​ടെ​യാ​ണ് മ​ല​ബാ​ർ മേ​ഖ​ല യൂ​നി​യ​ന് ല​ഭി​ച്ച​ത്. ഇ​ക്കാ​ര്യ​ത്തി​ൽ രാ​ജ്യ​ത്തു​ത​ന്നെ ഒ​ന്നാ​മ​താ​ണ് മ​ല​ബാ​ർ മേ​ഖ​ല. പാ​ലി​ന്റെ അ​ണു​ഗു​ണ നി​ല​വാ​രം മെ​ച്ച​പ്പെ​ടു​ന്ന​ത് ക്ഷീ​ര ക​ർ​ഷ​ക​ർ​ക്കും സം​ഘ​ങ്ങ​ൾ​ക്കും ഉ​പ​ഭോ​ക്താ​ക്ക​ൾ​ക്കും ഒ​രു​പോ​ലെ ഗു​ണ​ക​ര​മാ​കു​ന്നതാ​ണ്.

അ​ണു​ഗു​ണ നി​ല​വാ​രം: ഗു​ണ​മെ​ന്താ​ണ്?

സൂ​ക്ഷ്മാ​ണു​ക്ക​ൾ കൂ​ടു​ത​ലാ​ണെ​ങ്കി​ൽ പാ​ൽ എ​ളു​പ്പം കേ​ടു​വ​രു​ക​യും അ​തു​വ​ഴി ക്ഷീ​ര ക​ർ​ഷ​ക​ർ​ക്കും സം​ഘ​ങ്ങ​ൾ​ക്കും സാ​മ്പ​ത്തി​ക ന​ഷ്ട​മു​ണ്ടാ​വു​ക​യും ചെ​യ്യു​ന്നു.അ​ണു​ഗു​ണ നി​ല​വാ​രം മെ​ച്ച​പ്പെ​ടു​ത്തു​ന്ന​തി​ലൂ​ടെ സം​ഭ​രി​ക്കു​ന്ന പാ​ൽ പാ​ഴാ​യി​പ്പോ​കാ​തെ പ​ര​മാ​വ​ധി​യോ പൂ​ർ​ണ​മാ​യോ ഉ​പ​യോ​ഗ​പ്പെ​ടു​ത്താ​നാ​കു​ന്നു എ​ന്ന​താ​ണ് പ്ര​ധാ​ന നേ​ട്ടം. ക്ഷീ​ര ക​ർ​ഷ​ക​ർ​ക്കും ക്ഷീ​ര സം​ഘ​ങ്ങ​ൾ​ക്കും സാ​മ്പ​ത്തി​ക നേ​ട്ട​മു​ണ്ടാ​ക്കു​ന്ന​താ​ണി​ത്. സൂ​ക്ഷി​പ്പ് കാ​ലാ​വ​ധി കൂ​ടു​ന്ന​ത് ഉ​പ​ഭോ​ക്താ​ക്ക​ൾ​ക്കും ഗു​ണ​ക​ര​മാ​ണ്. അ​ണു​ഗു​ണ നി​ല​വാ​ര​മു​ള്ള പാ​ലു​പ​യോ​ഗി​ച്ചു​ള്ള ഉ​ൽ​പ​ന്ന​ങ്ങ​ൾ​ക്ക് ഏ​റെ ഗു​ണ​മേ​ന്മ ല​ഭി​ക്കു​ന്ന​തി​നാ​ൽ വി​ൽ​പ​ന​യി​ലും ഗ​ണ്യ​മാ​യ വ​ർ​ധ​ന ഉ​ണ്ടാ​യി.

നേ​ട്ടം സാ​ധ്യ​മാ​യ​ത് എ​ങ്ങ​നെ

മി​ൽ​മ​യു​ടെ നേ​തൃ​ത്വ​ത്തി​ൽ ക​ർ​ഷ​ക​ർ​ക്ക് ബോ​ധ​വ​ത്‍ക​ര​ണ​വും ക​ന്നു​കാ​ലി​ക​ൾ​ക്കു​ള്ള പ​രി​ച​ര​ണ​വും കൃ​ത്യ​വും നി​ർ​ബ​ന്ധ​വു​മാ​ക്കി. ജി​ല്ല​യി​ൽ 37 പ്രാ​ഥ​മി​ക ക്ഷീ​ര സം​ഘ​ങ്ങ​ളി​ൽ ബ​ൾ​ക്ക് മി​ൽ​ക്ക് ബൂ​ത്ത് കൂ​ള​റു​ക​ൾ സ്ഥാ​പി​ച്ച​തും മാ​റ്റ​ത്തി​നി​​നി​ട​യാ​ക്കി.

1,10,000 ലി​റ്റ​ർ പാ​ൽ ത​ണു​പ്പി​ക്കാ​ൻ ശേ​ഷി​യു​ള്ള കൂ​ള​റു​ക​ളാ​ണ് ഇ​വ. ​പാ​ൽ കേ​ടു​വ​രു​ത്തു​ന്ന സൂ​ക്ഷ്മാ​ണു​ക്ക​ളെ ന​ശി​പ്പി​ക്കാ​ൻ കൂ​ള​റു​ക​ൾ​ക്ക് ക​ഴി​യു​ന്നു. 10 സം​ഘ​ങ്ങ​ൾ ഐ.​എ​സ്.​ഒ നി​ല​വാ​രം ഉ​റ​പ്പു​വ​രു​ത്തു​ന്ന ലാ​ബു​ക​ള​ട​ങ്ങി​യ​വ​യാ​ണ്.


തൊ​ഴു​ത്തി​ന്റെ ശു​ചി​ത്വം, ക​റ​വ​ക്കാ​ര​ന്റെ ശു​ചി​ത്വം  എ​ന്നി​വ​ക്കെ​ല്ലാം പ്രാ​ധാ​ന്യം കൊ​ടു​ത്ത​ത് കാ​ര്യ​ക്ഷ​മ​ത വ​ർ​ധി​പ്പി​ച്ചു. പാ​ൽ അ​രി​ച്ചു​കൊ​ണ്ടു​വ​രു​ക, ക​റ​വ​യു​ടെ തൊ​ട്ടു​മു​മ്പ്​ പ​ശു​വി​നെ കു​ളി​പ്പി​ക്കാ​തി​രി​ക്കു​ക, ക​റ​വ​യു​ടെ സ​മ​യ​ത്ത് പൊ​ടി​ത്തീ​റ്റ ന​ൽ​കാ​തി​രി​ക്കു​ക എ​ന്നി​ങ്ങ​നെ ചെ​റി​യ കാ​​ര്യ​ങ്ങ​ളി​ൽ​പോ​ലും വ​ലി​യ ശ്ര​ദ്ധ​വെ​ച്ചു. കൊ​ണ്ടു​വ​രു​ന്ന സ​മ​യ​ത്തു​ത​ന്നെ പ​രി​ശോ​ധ​ന ന​ട​ത്തി പാ​ലെ​ടു​ക്കു​ന്ന സം​വി​ധാ​നം ക​ർ​ശ​ന​മാ​ക്കി.

പാ​ലി​ൽ ഗു​ണ​നി​ല​വാ​ര​മി​ല്ലെ​ന്നു തോ​ന്നി​യാ​ൽ പാ​ൽ തി​രി​ച്ച​യ​ക്കു​ന്ന രീ​തി​യി​ലേ​ക്ക് സം​ഘ​ങ്ങ​ൾ മാ​റി. ര​ണ്ടു ക​റ​വ ത​മ്മി​ലെ ഇ​ട​വേ​ള 12 മ​ണി​ക്കൂ​ർ എ​ന്ന രീ​തി​യി​ൽ സം​ഘ​ങ്ങ​ളി​ലെ പാ​ൽ​ശേ​ഖ​ര​ണം ക്ര​മീ​ക​രി​ച്ചു. പ​ശു​ക്ക​ൾ ഭ​ക്ഷ​ണം ക​ഴി​ച്ചു​ക​ഴിഞ്ഞ് തി​ക​ട്ടി​യ​ര​ക്കാ​നു​ള്ള സ​മ​യ​വും കൂ​ടി കൊ​ടു​ത്താ​ലേ ഗു​ണ​നി​ല​വാ​ര​മു​ള്ള പാ​ൽ കി​ട്ടു​ക​യു​ള്ളൂ​വെ​ന്ന​തി​നാ​ൽ ക​ർ​ഷ​ക​ർ ക​റ​വ​യു​ടെ സ​മ​യ​വും ക്ര​മീ​ക​രി​ച്ച​തോ​ടെ പാ​ൽ ഗു​ണ​നി​ല​വാ​ര​വും പാ​ലു​പോ​ലെ വെ​ളു​ത്തു.

ലോ​ങ് ലൈ​ഫ് മി​ൽ​ക്ക്

ദൈ​നം​ദി​നം നാം ​ഉ​പ​യോ​ഗി​ക്കു​ന്ന പാ​ലി​ലെ അ​ണു​ഗു​ണ നി​ല​വാ​ര​മാ​ണ് കേ​ന്ദ്ര മൃ​ഗ​സം​ര​ക്ഷ​ണ മ​ന്ത്രാ​ല​യം പ​രി​ശോ​ധ​ന വി​ധേ​യ​മാ​ക്കു​ന്ന​ത്. ഇ​ത​ല്ലാ​തെ ദീ​ർ​ഘ​കാ​ലം കേ​ടു​കൂ​ടാ​തെ സൂ​ക്ഷി​ക്കാ​നാ​കു​ന്ന ലോ​ങ് ലൈ​ഫ് മി​ൽ​ക്കും വി​പ​ണി​യി​ലു​ണ്ട്. മൂ​ന്നു മാ​സം മു​ത​ൽ ആ​റു മാ​സം വ​രെ കേ​ടു​കൂ​ടാ​തെ​യി​രി​ക്കു​ന്ന വി​വി​ധ ബ്രാ​ൻ​ഡു​ക​ളു​ടെ പാ​ൽ ല​ഭ്യ​മാ​ണ്. പൂ​ർ​ണ​മാ​യും അ​ണു​മു​ക്ത​മാ​ക്കി​യ​താ​ണ് ഇ​ത്ത​രം പാ​ൽ.

അ​ൾ​ട്രാ ഹീ​റ്റ് ട്രീ​റ്റ്മെ​ന്റ് വ​ഴി 140 ഡി​ഗ്രി സെ​ൽ​ഷ്യ​സി​ൽ​വ​രെ തി​ള​പ്പി​ച്ചാ​ണ് ഈ ​പാ​ൽ അ​ണു​മു​ക്ത​മാ​ക്കു​ന്ന​ത്. അ​ങ്ങ​നെ​യാ​ണ് കോ​ടാ​കാ​നു​ള്ള സാ​ധ്യ​ത ഇ​ല്ലാ​താ​ക്കു​ന്ന​ത്. ഒ​ട്ടേ​റെ പാ​ളി​ക​ളോ​ടു​കൂ​ടി​യ പാ​ക്കി​ങ്ങും സൂ​ക്ഷി​പ്പ് കാ​ലാ​വ​ധി കൂ​ട്ടു​ന്ന​തി​ന് സ​ഹാ​യി​ക്കു​ന്നു.