പ​ര​വൂ​ർ: വാ​യ്പ​യാ​യി കോ​ടി​ക​ൾ സം​ഘ​ടി​പ്പി​ച്ചു​കൊ​ടു​ക്കാ​മെ​ന്ന് വി​ശ്വ​സി​പ്പി​ച്ച് ല​ക്ഷ​ങ്ങ​ൾ ത​ട്ടി​യെ​ടു​ത്ത്​ നാ​ടു​വി​ട്ട​യാ​ളെ പൊ​ലീ​സ് അ​റ​സ്റ്റ് ചെ​യ്തു. പൂ​ത​ക്കു​ളം ഊ​ന്നി​ൻ​മൂ​ട് സ്വ​ദേ​ശി വി​ശാ​ലി​നെ​യാ​ണ് (27) മും​ബൈ​യി​ൽ നി​ന്ന്​ പ​ര​വൂ​ർ പൊ​ലീ​സ് പി​ടി​കൂ​ടി​യ​ത്.

പൂ​ത​ക്കു​ളം ഊ​ന്നി​ൻ​മൂ​ട് സ്വ​ദേ​ശി​യാ​യ വീ​ട്ട​മ്മ​യു​ടെ പ​രാ​തി​യി​ൽ പ​ര​വൂ​ർ പൊ​ലീ​സ് കേ​സെ​ടു​ക്കു​ക​യാ​യി​രു​ന്നു. പൊ​ലീ​സ് പ​റ​യു​ന്ന​ത്: ബി​സി​ന​സ് ആ​രം​ഭി​ക്കാ​ൻ വീ​ട്ട​മ്മ​ക്ക്​ പ​ണ​ത്തി​ന് ആ​വ​ശ്യ​മു​ണ്ടെ​ന്ന​റി​ഞ്ഞ ബ​ന്ധു​കൂ​ടി​യാ​യ വി​ശാ​ൽ ഇ​വ​രെ സ​മീ​പി​ച്ചു.

അ​മേ​രി​ക്ക ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന കോ​മ​ൺ​വെ​ൽ​ത്ത് ക​മ്യൂ​ണി​റ്റി ട്ര​സ്റ്റ് (സി​സി​റ്റി) എ​ന്ന സ്ഥാ​പ​ന​ത്തി​ന്‍റെ എ​റ​ണാ​കു​ള​ത്ത​ത്തെ ശാ​ഖ​യി​ൽ​നി​ന്ന്​ വാ​യ്പ ശ​രി​യാ​ക്കാ​മെ​ന്നും വി​ശ്വ​സി​പ്പി​ച്ചു.

ഒ​രു കോ​ടി രൂ​പ​ക്ക് പ്രോ​സ​സി​ങ്​ ഫീ​സ്, ക​മീ​ഷ​ൻ തു​ട​ങ്ങി​യ ഇ​ന​ങ്ങ​ളി​ലാ​യി ആ​റ് ല​ക്ഷം രൂ​പ ന​ൽ​ക​ണ​മെ​ന്നും ആ​വ​ശ്യ​പ്പെ​ട്ടു. ഇ​ത​നു​സ​രി​ച്ച് ഇ​വ​ർ​ക്ക്​​ ആ​വ​ശ്യ​മു​ള്ള അ​ഞ്ച് കോ​ടി​ക്കു​ള്ള പ്രോ​സ​സി​ങ്​ ചാ​ർ​ജാ​യി 28 ല​ക്ഷം രൂ​പ കൈ​പ്പ​റ്റി. വീ​ട്ട​മ്മ​യു​ടെ മ​ക​ന്‍റെ വി​വി​ധ ബാ​ങ്കു​ക​ളി​ലെ അ​ക്കൗ​ണ്ടു​ക​ളി​ൽ​നി​ന്നാ​ണ് തു​ക കൈ​മാ​റി​യ​ത്.

എ​ന്നാ​ൽ വാ​യ്പ ന​ൽ​കു​ക​യോ കൈ​പ്പ​റ്റി​യ തു​ക തി​രി​ച്ചു​കൊ​ടു​ക്കു​ക​യോ ചെ​യ്യാ​തെ മും​ബൈ​യി​ലേ​ക്ക്​ ക​ട​ക്കു​ക​യാ​യി​രു​ന്നു. പ​ര​വൂ​ർ എ​സ്.​എ​ച്ച്.​ഒ പ്ര​വീ​ൺ കു​മാ​റി​ന്‍റെ നേ​തൃ​ത്വ​ത്തി​ലാ​യി​രു​ന്നു അ​ന്വേ​ഷ​ണം.

മും​ബെ​യി​ലെ ഡോ​മ്പാ​വാ​ലി​യി​ൽ​നി​ന്ന്​ സാ​ഹ​സി​ക​മാ​യി അ​റ​സ്റ്റ് ചെ​യ്യു​ക​യാ​യി​രു​ന്നു. എ​സ്.​ഐ സു​ജി​ത് നാ​യ​ർ, എ​സ്.​ഐ ബി​ജു, സീ​നി​യ​ർ സി.​പി.​ഒ അ​നൂ​പ് എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്. കൂ​ട്ടു​പ്ര​തി​ക​ൾ​ക്കാ​യി പൊ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.