പാലക്കാട്∙ വണ്ടാഴി കിഴക്കേത്തറ ഏറാട്ടുകുളമ്പിൽ കുടുംബനാഥനെ വെടിയേറ്റു മരിച്ച നിലയിൽ കണ്ടെത്തി. ഏറാട്ടുകുളമ്പ് ക്യഷ്ണകുമാർ (52) ആണ് മരിച്ചത്. തിങ്കളാഴ്ച രാവിലെ എട്ടരയോടു കൂടിയാണ് സംഭവം. എയർ ഗൺ ഉപയോഗിച്ച് പിതാവിന്റെ മുന്നിൽ വച്ചാണ് കൃഷ്ണകുമാർ വെടിവച്ചതെന്നാണ് പ്രാഥമിക നിഗമനം. സംഭവത്തിൽ അന്വേഷണം ആരംഭിച്ചതായി മംഗലംഡാം പൊലീസ് അറിയിച്ചു.
അതേസമയം, കോയമ്പത്തൂരിൽ താമസിക്കുന്ന കൃഷ്ണകുമാറിന്റെ ഭാര്യ സംഗീത (47)യെയും താമസസ്ഥലത്തു വച്ച് മരിച്ച നിലയിൽ കണ്ടെത്തിയിട്ടുണ്ട്. കൃഷ്ണകുമാർ കോയമ്പത്തൂരിലെത്തി സംഗീതയെ വെടിവച്ച ശേഷമാണ് പാലക്കാട് വണ്ടാഴിയിലെത്തിയതെന്നാണ് സൂചന.
(ശ്രദ്ധിക്കുക: ആത്മഹ‌ത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്‌ലൈൻ നമ്പരുകൾ – 1056, 0471- 2552056)
