130 കേസുകൾ, 60 തവണ പിഴ; കോഴിക്കോട്- കണ്ണൂർ റൂട്ടിൽ സർവീസ് നടത്തുന്ന ‘ചീറ്റപ്പുലി’ ബസ് പിടിച്ചെടുത്തു

Mar 19, 2025, 8:41 am GMT+0000 payyolionline.in

കോഴിക്കോട് : കോഴിക്കോട് കണ്ണൂർ റൂട്ടിൽ സർവീസ് നടത്തുന്ന സ്വകാര്യ ബസായ ‘ചീറ്റപ്പുലി’ പിടിച്ചെടുത്ത് മോട്ടോർ വാഹന വകുപ്പ്. ബസ് പിടിച്ചെടുത്തത് ഗതാഗതമന്ത്രി കെബി ഗണേഷ് കുമാറിന്റെ നിർദ്ദേശപ്രകാരമാണ്. 130 കേസുകളിൽ പ്രതിയായ 60 ൽ കൂടുതൽ തവണ പിഴയടച്ച ബസാണ് ഇത്. പിടിച്ചെടുത്ത ബസിന്റെ പെർമിറ്റ് റദ്ദാക്കാനും തീരുമാനമായി. ചീറ്റപ്പുലി റോഡിൽ വേണ്ട, കാട്ടിൽ മതിയെന്ന് ബസ് പിടിച്ചെടുത്ത ശേഷം മന്ത്രി ഗണേഷ്കുമാർ പ്രതികരിച്ചു.വടകര ആർടിഒയിൽ റജിസ്റ്റർ ചെയ്ത ബസാണ് ചീറ്റപ്പുലി. ഇന്നലെയാണ് പുതിയ ബസ് സ്റ്റാൻഡിൽ നിന്നും ബസ് കസ്റ്റഡിയിലെടുത്തത്. 130 കേസുകളാണ് മാസങ്ങളായി നിയമ ലംഘനം നടത്തിയതിന് ഈ ബസിനെതിരെ മോട്ടർ വാഹന വിഭാഗം ചുമത്തിയത്. എന്നാൽ പിഴ അടയ്ക്കാതെ ബസ് വീണ്ടും സർവീസ് നടത്തിയതിനെ തുടർന്നാണ് ബസ് കസ്റ്റഡിയിൽ എടുക്കാൻ തീരുമാനം ആയത്. 60 കേസിൽ ബസ് ഇതുവരെ പിഴ അടച്ചു. പിഴ പൂർണമായും അടച്ചാൽ വിട്ടു കൊടുക്കുമെന്നു മോട്ടർ വാഹന വിഭാഗം ഉദ്യോഗസ്ഥർ വ്യക്തമാക്കിയിട്ടുമുണ്ട്.

കേരള സംസ്ഥാന ഭവന നിർമാണ ബോർഡിൽ എക്സിക്യൂട്ടീവ് എൻജിനീയറാകാം; പ്രായം, വിദ്യാഭ് .. ‘അജീഷിന് കാൻസർ സ്ഥിരീകരിച്ചു, സാമ്പത്തികബാധ്യത, മാനസിക സമ്മര്‍ദ്ദമാകാം ..