കൊയിലാണ്ടി: കൊയിലാണ്ടി ആനക്കുളം ജംഗ്ഷനിൽ ലോറിയുടെ ടയറിനു തീ പിടിച്ചു. ഇന്ന് രാവിലെ 7.30 ഓടെയാണ് സംഭവം. റബ്ബർ പാൽ കയറ്റി വരികയായിരുന്ന ലോറിയുടെ ടയറിനാണ് തീ പിടിച്ചത്. മംഗലാപുരത്തു നിന്നും കോഴിക്കോട്ടേക്ക് റബ്ബർ പാൽ കയറ്റി വരികയായിരുന്ന ടാങ്കർ ലോറി, കൊയിലാണ്ടി ആനക്കുളം ജംഗ്ഷനിൽ എത്തിയപ്പോഴാണ് അടിയിൽ നിന്നും പുക ഉയർന്നത് ശ്രദ്ധയിൽ പെട്ടത്.
ഉടൻ, വിവരം അറിയിച്ചതിൻ്റെ അടിസ്ഥാനത്തിൽ കൊയിലാണ്ടിയിൽ നിന്നും അഗ്നിരക്ഷാസേന എത്തി പരിശോധന നടത്തുകയും ടാങ്കറിന്റെ മധ്യഭാഗത്തുള്ള ടയറുകൾ തമ്മിൽ ഉരസി തീ പിടിക്കുകയായിരുന്നുവെന്നും കണ്ടെത്തി. തുടർന്ന്, സേനാംഗങ്ങൾ തീ പൂർണമായും അണച്ചു.
ഗ്രേഡ് എ എസ് ടി ഒ എം മജീദ് ന്റെ നേതൃത്വത്തിൽ എഫ് ആർ ഒമാരായ ബി ഹേമന്ത്‌, ജിനീഷ് കുമാർ, ഇ എം നിധിപ്രസാദ്, എൻ പി അനൂപ്, കെ നിതിൻ രാജ്, ഹോംഗാർഡ് കെ പി രാജേഷ് എന്നിവർ രക്ഷാപ്രവർത്തനത്തിൽ ഏർപ്പെട്ടു.
