കാസർകോട്: മുംബൈയിലെ പ്രമുഖ വ്യാപാരി ട്രെയിനിൽ നിന്ന് തെറിച്ചുവീണ് മരിച്ചു. തളങ്കര സ്വദേശിയും അണങ്കൂർ സ്കൗട്ട് ഭവന് സമീപം താമസക്കാരനുമായ മാഹിൻ ഫക്രുദീന്റെ മകൻ കെ.എം.അബ്ദുല്ല (മായ്ച്ചാന്റ അബ്ദുല്ല-62) ആണ് ട്രെയിൻ അപകടത്തിൽ മരിച്ചത്. തിങ്കളാഴ്ച (2025 സെപ്റ്റംബർ 29) പുലർച്ചെ 1.20 ഓടെയാണ് അപകടം നടന്നത്.
അജ്‌മീരിലേക്ക് പോവുകയായിരുന്ന മരുസാഗർ എക്സ്പ്രസ് തളങ്കര മാലിക് ദിനാർ പള്ളിക്ക് സമീപത്തെ മേൽപ്പാലത്തിന് അടുത്ത് എത്തിയപ്പോഴാണ് അബ്ദുല്ല ട്രെയിനിൽ നിന്ന് തെറിച്ചുവീണതെന്നാണ് പ്രാഥമിക നിഗമനം.
ആലുവയിൽ ബിസിനസ് ആവശ്യത്തിനായി പോയി മടങ്ങുകയായിരുന്നു അദ്ദേഹം.
