കൊയിലാണ്ടി: കുറുവങ്ങാട് ആക്ടീവ സ്‌കൂട്ടറും കാറും കൂട്ടിയിടിച്ച് അപകടം. സ്‌കൂട്ടര്‍ യാത്രികന്റെ തലഭാഗം കാറിനുള്ളില്‍ കുടുങ്ങിക്കിടക്കുന്ന നിലയിലായിരുന്നു. വൈകുന്നേരം നാലരയോടെയായിരുന്നു സംഭവം.
നാട്ടുകാര്‍ ഏറെ ശ്രമിച്ചിട്ടും സ്‌കൂട്ടര്‍ യാത്രികനെ പുറത്തെടുക്കാനാവാത്ത സ്ഥിതിയാണ്. കൊയിലാണ്ടിയില്‍ നിന്നും ഫയര്‍ഫോഴ്‌സ് സ്ഥലത്തെത്തിയശേഷം ഏറെ പണിപ്പെട്ടാണ് അപകടത്തില്‍പ്പെട്ടയാളെ പുറത്തെടുത്തത്.
പരിക്കേറ്റ സ്‌കൂട്ടര്‍ യാത്രികനെ ഫയര്‍ഫോഴ്‌സിന്റെ ആംബുലന്‍സില്‍ കൊയിലാണ്ടി താലൂക്ക് ആശുപത്രിയിലെത്തിച്ചു. അപകടത്തെ തുടര്‍ന്ന് കൊയിലാണ്ടി-ഉള്ള്യേരി സംസ്ഥാനപാതയില്‍ ഗതാഗതം തടസപ്പെട്ടു.
