കോഴിക്കോട്: സ്വർണവില ഇന്ന് വർധിച്ചത് മൂന്ന് തവണ. 3160 രൂപയാണ് ഇന്ന് വർധിച്ചത്. ഇതോടെ പവന്റെ വില 1,10,400 രൂപയായി. ഗ്രാമിന് 395 രൂപ വര്ധിച്ച് 13,800 രൂപയായി.
ഇന്നലെ 1,07,240 രൂപയായിരുന്നു പവന്റെ വില. ഇന്ന് രാവിലെ 760 രൂപയും ഉച്ചയ്ക്കു മുമ്പ് 800 രൂപയും കൂടി വര്ധിച്ചു. ഉച്ചക്ക് ശേഷം ഒറ്റയടിക്ക് 1600 രൂപയാണ് വര്ധിച്ചത്. എക്കാലത്തെയും സര്വകാല റെക്കോഡിലാണ് വിലയുള്ളത്.
പുതുവര്ഷാരംഭം മുതല് തുടങ്ങിയ കുതിപ്പാണ് സ്വര്ണവിലയില് തുടരുന്നത്. ജനുവരി ഒന്നിന് 99,040 രൂപയായിരുന്നു വില. 20 ദിവസം കൊണ്ട് 11,360 രൂപയുടെ വര്ധനവാണുണ്ടായത്. നിലവിലെ വിലയില് പണിക്കൂലി ഉള്പ്പെടെ ഒരു പവന് സ്വര്ണാഭരണം വാങ്ങാന് 1.20 ലക്ഷത്തിന് മുകളില് നല്കേണ്ട സാഹചര്യമാണ്.
