മലപ്പുറം: ഒരാഴ്ച മുമ്പ് കാണാതായ യൂട്യൂബർ ദിൽഷാദിനെ കണ്ടെത്തി. മേഘാലയയിൽ നിന്നാണ് കണ്ടെത്തിയത്. ബൈക്ക് അപകടത്തിൽ പെട്ട് മേഘാലയയിലെ ആശുപത്രിയിൽ ചികിത്സയിലാണ് ദിൽഷാദ്. ‘യാത്ര ടുഡേ’ എന്ന യൂട്യൂബ് ചാനലിന്റെ ഉടമയാണിയാൾ. മലപ്പുറം ചെലേമ്പ്ര സ്വദേശിയായ ദിൽഷാദ് ഈ മാസം ആറിനാണ് വീട്ടിൽ നിന്നും യാത്ര പോയത്. 22-ാം തീയതി വരെ സോഷ്യൽ മീഡിയയിൽ സജീവമായിരുന്നു. പിന്നീട് ബന്ധപ്പെടാൻ സാധിക്കാതെ വന്നതോടെ കുടുംബം പൊലീസിൽ പരാതി നൽകുകയായിരുന്നു.