കോഴിക്കോട്: കെഎസ്ആര്ടിസി ബസില് യുവതിക്ക് നേരെ ലൈംഗികാതിക്രമം നടത്തിയ യാത്രക്കാരൻ പിടിയിലായി. കാക്കൂര് ചാലങ്ങോട്ട് മനയില് ബിജുവിനെയാണ് (53) നടക്കാവ് പൊലീസ് അറസ്റ്റ് ചെയ്തത്. ശനിയാഴ്ച രാത്രി വടകര സ്വദേശിയായ യുവതിക്ക് നേരെയായിരുന്നു അതിക്രമം.
കോഴിക്കോട് നിന്ന് കണ്ണൂര് ഭാഗത്തേക്ക് പോവുകയായിരുന്ന ബസ് മാനാഞ്ചിറയ്ക്കു സമീപമെത്തിയപ്പോൾ ബിജു യുവതിയുടെ സ്വകാര്യ ഭാഗങ്ങളില് സ്പര്ശിച്ച് അതിക്രമം നടത്തുകയായിരുന്നു. യുവതി ബഹളം വച്ചതിനെ തുടർന്ന് ബസ് ജീവനക്കാരും മറ്റ് യാത്രക്കാരും ചേർന്ന് വാഹനം നടക്കാവ് പൊലീസ് സ്റ്റേഷനിലേക്ക് എത്തിച്ചു.
യുവതി നൽകിയ പരാതിയുടെ അടിസ്ഥാനത്തിൽ നടക്കാവ് എസ്ഐ ശ്രീജേഷിന്റെ നേതൃത്വത്തിലുള്ള സംഘം പ്രതിയെ കസ്റ്റഡിയിലെടുത്തു. അറസ്റ്റ് രേഖപ്പെടുത്തിയ പ്രതിയെ കോടതിയില് ഹാജരാക്കി റിമാന്ഡ് ചെയ്തു.
