നെടുമ്പാശ്ശേരിയിൽ 57 കാരിയെ മരിച്ച നിലയിൽ കണ്ടെത്തിയ സംഭവം കൊലപാതകം. അമ്മയെ കൊലപ്പെടുത്തിയത് മകനെന്ന് തെളിഞ്ഞു. കഴിഞ്ഞ ഞായറാഴ്ച നെടുമ്പാശേരി സ്വദേശി അനിതയാണ് കൊല്ലപ്പെട്ടത്. മൂന്ന് മാസത്തെ ക്രൂരമർദ്ദനത്തിന് പിന്നാലെയാണ് മരണം. അമ്മയുടെ പേരിലുള്ള ഒന്നര ഏക്കർ ഭൂമി സ്വന്തമാക്കാനായിരുന്നു കൊലപാതകമെന്ന നിഗമനത്തിലാണ് പൊലീസ്.
മൃതദേഹത്തിന്റെ ശരീരത്തിലാകമാനം മർദ്ദിച്ചതിന്റെ പാടുകൾ കണ്ടെത്തിയിരുന്നു. സംഭവത്തിൽ മകൻ ബിനുവിനെ നെടുമ്പാശ്ശേരി പൊലീസ് അറസ്റ്റ് ചെയ്തിട്ടുണ്ട്. മകന്റെ ഭാര്യയുടെ പങ്കിനെക്കുറിച്ചും അന്വേഷണം നടക്കുകയാണ്.
