കോ​ഴി​ക്കോ​ട്: ആ​രോ​ഗ്യ പ്ര​വ​ർ​ത്ത​ക​രെ​ന്ന് പ​രി​ച​യ​പ്പെ​ടു​ത്തി പ​ട്ടാ​പ്പ​ക​ൽ വീ​ട്ടി​ൽ ക​യ​റി സ്ത്രീ​യെ ക്രൂ​ര​മാ​യി ഉ​പ​ദ്ര​വി​ച്ച​ശേ​ഷം സ്വ​ർ​ണം ക​വ​ർ​ന്ന സം​ഭ​വ​ത്തി​ൽ പ്ര​തി​ക​ൾ​ക്ക് ഏ​ഴു വ​ർ​ഷം ക​ഠി​ന ത​ട​വും ല​ക്ഷം രൂ​പ വീ​തം പി​ഴ​യും ശി​ക്ഷ. താ​മ​ര​ശ്ശേ​രി കാ​ഞ്ഞി​ര​ത്തി​ങ്ക​ൽ അ​ർ​ജു​ൻ (39), വാ​ണി​മേ​ൽ കോ​ടി​യോ​റ പ​ടി​ഞ്ഞാ​റെ വാ​ഴ​ച്ചാ​ണ്ടി​യി​ൽ സ​ന്ദീ​പ് (36) എ​ന്നി​വ​രെ​യാ​ണ് കോ​ഴി​ക്കോ​ട് സെ​ക്ക​ൻ​ഡ് അ​ഡീ​ഷ​ന​ൽ സ​ബ് കോ​ട​തി ജ​ഡ്ജി ആ​ർ. വ​ന്ദ​ന ശി​ക്ഷി​ച്ച​ത്.

അ​ഴി​യൂ​ർ ക​ല്ലാ​മ​ല ‘ദേ​വി കൃ​പ’ വീ​ട്ടി​ൽ സു​ല​ഭ​യാ​ണ് കോ​വി​ഡ് കാ​ല​ത്ത് ആ​ക്ര​മ​ണ​ത്തി​നി​ര​യാ​യ​ത്. 2021 മാ​ർ​ച്ച് 19നാ​ണ് സം​ഭ​വം. ആ​രോ​ഗ്യ​വ​കു​പ്പി​ൽ​നി​ന്ന് വ​ന്ന​താ​ണെ​ന്ന് പ​റ​ഞ്ഞ് വീ​ട്ടി​ലെ​ത്തി​യ അ​ർ​ജു​ൻ, സു​ല​ഭ​യു​ടെ ഭ​ർ​ത്താ​വ് ര​വീ​ന്ദ്ര​നോ​ട് അ​ടു​ത്തു​ള്ള ആ​രോ​ഗ്യ​കേ​ന്ദ്ര​ത്തി​ൽ കോ​വി​ഡ് വാ​ക്‌​സി​ൻ എ​ടു​ക്കാ​ൻ പോ​ക​ണ​മെ​ന്നാ​വ​ശ്യ​പ്പെ​ട്ടു. ഇ​ദ്ദേ​ഹം സ്കൂ​ട്ട​റി​ൽ പോ​യ ഉ​ട​ൻ വീ​ടി​ന​ക​ത്ത് അ​തി​ക്ര​മി​ച്ചു ക​യ​റി ലോ​ഹ​വി​ഗ്ര​ഹം കൊ​ണ്ട് സു​ല​ഭ​യെ മു​ഖ​ത്ത​ടി​ച്ച് വീ​ഴ്ത്തി അ​ഞ്ചു പ​വ​ന്റെ മാ​ല ക​വ​ർ​ന്നു. പി​ന്നാ​ലെ സ​ന്ദീ​പ് എ​ത്തി സു​ല​ഭ​യെ വീ​ണ്ടും അ​ടി​ച്ച​പ്പോ​ൾ ത​റ​യി​ൽ വീ​ണ് ബോ​ധ​ര​ഹി​ത​യാ​യി. ര​ണ്ട് പ​ല്ലു​ക​ൾ തെ​റി​ച്ചു​പോ​കു​ക​യും താ​ടി​യെ​ല്ല് പൊ​ട്ടു​ക​യും മൂ​ക്കി​ന്റെ പാ​ലം ത​ക​രു​ക​യും ചെ​യ്തു.

ചോ​മ്പാ​ല പൊ​ലീ​സാ​ണ് ചു​രു​ങ്ങി​യ ദി​വ​സ​ങ്ങ​ൾ​ക്ക​കം പ്ര​തി​ക​ളെ പി​ടി​കൂ​ടി​യ​ത്. ചോ​മ്പാ​ല എ​സ്.​ഐ കെ.​വി. ഉ​മേ​ഷ് കു​റ്റ​പ​ത്രം സ​മ​ർ​പ്പി​ച്ച കേ​സി​ൽ, പ്രോ​സി​ക്യൂ​ഷ​നു​വേ​ണ്ടി അ​ഡ്വ. റോ​ബി​ൻ​സ് തോ​മ​സ്, അ​ഡ്വ. ക​ല റാ​ണി എ​ന്നി​വ​ർ ഹാ​ജ​രാ​യി.