പയ്യന്നൂരിൽ ബിജെപി-കോൺഗ്രസ് പ്രകടനത്തിന് നേരെ സിപിഎം അക്രമം; ഏരിയ സെക്രട്ടറി ഉൾപ്പെടെ 25ഓളം പ്രതികൾ

Jan 25, 2026, 8:49 am GMT+0000 payyolionline.in

കണ്ണൂർ: പയ്യന്നൂരിൽ ബിജെപി -കോൺഗ്രസ് പ്രകടത്തിന് നേരെയുണ്ടായ സിപിഎം ആക്രമണത്തിൽ കേസെടുത്ത് പൊലീസ്. ബിജെപിക്കാരെ ആക്രമിച്ച കേസിൽ ഏരിയ സെക്രട്ടറി പി സന്തോഷ് ഉൾപ്പെടെ 25ഓളം പേരാണ് പ്രതികൾ. കോൺഗ്രസുകാരെ ആക്രമിച്ച കേസിൽ എട്ട് പേരാണ് പ്രതിപ്പട്ടികയിലുള്ളത്. കണ്ടാലറിയാവുന്ന പത്ത് പേർക്കെതിരെയും കേസെടുത്തിട്ടുണ്ട്. 5 കേസുകളാണ് ഇന്നലത്തെ സംഘർഷവുമായി ബന്ധപ്പെട്ട് പയ്യന്നൂർ പൊലീസ് എടുത്തിരിക്കുന്നത്. ഇതിൽ 3 കേസുകൾ അന്യായമായി പ്രകടനം നടത്തിയതിന്, 3 പാർട്ടികൾക്ക് എതിരെയാണ്. സിപിഎമ്മിന്റെയും ബിജെപിയുടെയും കോൺഗ്രസിന്റെയും ഭാരവാഹികളും പ്രവർത്തകരും ഉൾപ്പെടെയുള്ള 50ഓളം പേർക്ക് എതിരെയാണ് കേസ്. 2 കേസുകൾ എടുത്തിരിക്കുന്നത് മർദനവുമായി ബന്ധപ്പെട്ടാണ്. അതിൽ ബിജെപി പ്രവർത്തകരുടെ പരാതിയിൽ എട്ട് സിപിഎം പ്രവർത്തകരും കണ്ടാലറിയാവുന്ന 10 പേർ ഉൾപ്പെടെ 18 പേർക്കെതിരെയാണ് കേസ്. ഇതിൽ ഒന്നാം പ്രതി സിപിഎം പയ്യന്നൂർ ഏരിയ സെക്രട്ടറി പി സന്തോഷ്കുമാർ ആണ്.

സമ്മേളനത്തിനായി നേതാക്കൾ വിളിച്ചു, ഫോണെടുത്തത് സിഐ; ഹൈബ്രിഡ് കഞ്ചാവുമായി ഡിവൈ .. അഭിമാന നിറവിൽ മലയാളക്കര! വിഎസ് അച്യുതാനന്ദനും ജസ്റ്റിസ് കെടി തോമസിനും പത്മവിഭ ..