കൊയിലാണ്ടി : കൊല്ലം പിഷാരികാവ് ക്ഷേത്രത്തിൽ തൃക്കാർത്തിക സംഗീതോത്സവം നവംബർ 27 മുതൽ ഡിസംബർ നാലുവരെ ആഘോഷിക്കും. 27-ന് വൈകീട്ട് അഞ്ചുമണിക്ക് മലബാർ ദേവസ്വം ബോർഡ് പ്രസിഡന്റ് ഒ.കെ. വാസു ഉദ്ഘാടനംചെയ്യും. ട്രസ്റ്റിബോർഡ് ചെയർമാൻ ഏരോത്ത് ഇ. അപ്പുക്കുട്ടിനായർ അധ്യക്ഷനാവും.
പ്രൊഫ. കാവുംവട്ടം വാസുദേവൻ മുഖ്യാതിഥിയാവും. 27-ന് വൈകീട്ട് ഞെരളത്ത് ഹരിഗോവിന്ദന്റെ സോപാനസംഗീതം. 28-ന് ഡോ. വി.ആർ. ദിലീപ് കുമാറിന്റെ സംഗീതക്കച്ചേരി. 29-ന് തിരുവന്തപുരം നിഷ പൊന്നിയുടെ വീണക്കച്ചേരി. 30-ന് ഗുരുവായൂർ ഭാഗ്യലക്ഷ്മിയുടെ സംഗീതക്കച്ചേരി. ഡിസംബർ ഒന്നിന് ഡോ. വെള്ളിനേഴി സുബ്രഹ്മണ്യത്തിന്റെ സംഗീതകച്ചേരി. രണ്ടിന് ശ്രീവിദ്യ സെക്കന്തരബാദ് അവതരിപ്പിക്കുന്ന സംഗീതകച്ചേരി. മൂന്നിന് ശ്രീജിത്ത് ജി. കമ്മത്തിൻ്റെ പുല്ലാങ്കുഴൽകച്ചേരി.
