2025 മാർച്ചിൽ നടന്ന രണ്ടാം വർഷ ഹയർസെക്കൻഡറി/ വൊക്കേഷണൽ ഹയർ സെക്കൻഡറി പരീക്ഷകളുടെ ഫലം വ്യാഴാഴ്ച (മെയ് 22) ഉച്ചകഴിഞ്ഞ് മൂന്നുമണിക്ക് പൊതുവിദ്യാഭ്യാസ മന്ത്രി വി ശിവൻകുട്ടി പ്രഖ്യാപിക്കും. വൈകിട്ട് 3.30 മുതൽ പരീക്ഷാഫലം വെബ്സൈറ്റുകളിലും മൊബൈൽ അപ്ലിക്കേഷനുകളിലും ഫലം ലഭ്യമാകും.
പരീക്ഷാഫലം ലഭിക്കുന്ന വെബ്സൈറ്റുകള്‍
http://www.results.hse.kerala.gov.in
www.prd.kerala.gov.in
results.kerala.gov.in
examresults.kerala.gov.in
result.kerala.gov.in
results.digilocker.gov.in
www.results.kite.kerala.gov.in
പരീക്ഷാഫലം PRD Live, SAPHALAM 2025, iExaMS – Kerala എന്നീ മൊബൈൽ ആപ്പുകളിലും ലഭ്യമാകും.
4,44,707 വിദ്യാർഥികളാണ് പ്ലസ് ടു പരീക്ഷ എഴുതിയിട്ടുള്ളത്. 26,178 വിദ്യാർഥികൾ രണ്ടാം വർഷ വി എച്ച് എസ് സി പരീക്ഷയും എഴുതിയിട്ടുണ്ട്. ഹയർ സെക്കൻഡറി, വി എച്ച് എസ് സി വിഭാഗങ്ങളിലായി ഏകദേശം അഞ്ച് ലക്ഷത്തോളം വിദ്യാർഥികളാണ് നാളത്തെ പരീക്ഷാഫലം കാത്തിരിക്കുന്നത്.
എസ്എസ്എല്‍സി ഫലം മെയ് 9നാണ് പ്രഖ്യാപിച്ചത്. 99.5 ശതമാനമായിരുന്നു വിജയം. കഴിഞ്ഞവർഷം 78.69 ശതമാനമായിരുന്നു ഹയർ സെക്കൻഡറിയുടെ വിജയശതമാനം.
