തിരുവനന്തപുരം: ഓണത്തോടനുബന്ധിച്ച് ബെവ്‌കോ (ബെവറേജസ് കോർപ്പറേഷൻ) ജീവനക്കാർക്കുള്ള ബോണസ് പ്രഖ്യാപിച്ചു. പരമാവധി ബോണസ് തുകയായി 1,05,000 രൂപ നൽകാൻ തീരുമാനമായി. കഴിഞ്ഞ വർഷത്തേക്കാൾ 2,500 രൂപയുടെ വർധനവാണിത്. കൂടാതെ ജീവനക്കാർക്ക് അഡ്വാൻസായി 50,000 രൂപ വരെയും നൽകും. എക്‌സൈസ് മന്ത്രിയുടെ സാന്നിധ്യത്തിൽ ചേർന്ന യോഗത്തിലാണ് തീരുമാനം.

​എംപ്ലോയ്മെന്റ് ജീവനക്കാർക്കുള്ള ബോണസ് 250 രൂപ വർധിപ്പിച്ച് 6,250 രൂപയാക്കി. സ്വീപ്പർമാർക്ക് 6,750 രൂപയും ഹെഡ് ഓഫീസിലെയും വെയർഹൗസിലെയും സെക്യൂരിറ്റി ജീവനക്കാർക്ക് 13,000 രൂപയും നൽകാനും തീരുമാനമായിട്ടുണ്ട്. കഴിഞ്ഞവർഷം സ്ഥിരം ജീവനക്കാർക്ക് 1,02,500 രൂപയായിരുന്നു ഓണം ബോണസായി ലഭിച്ചിരുന്നത്.