തിരുവനന്തപുരം നെയ്യാറ്റിന്കരയില് ഒരു വയസ്സുകാരന്റെ മരണത്തില് പിതാവ് കുറ്റം സമ്മതിച്ചു. കുട്ടിയെ മടിയിൽ ഇരുത്തി കൈ മുട്ടു കൊണ്ട് അടിവയറ്റിൽ ഇടിച്ചു എന്നാണ് കുട്ടിയുടെ പിതാവ് ഷിജിന് കുറ്റം സമ്മതിച്ച് മൊഴി നല്കിയത്. കുഞ്ഞിന്റെ മരണത്തിലെ ദുരൂഹത നീക്കാന് ഇന്ന് ഷിജിലിനെ വീണ്ടും ചോദ്യം ചെയ്തിരുന്നു. മൂന്നാം തവണയാണ് ഷിജിനെ ചോദ്യം ചെയ്തത്.
കാഞ്ഞിരംകുളം തവ്വാവിള ഷിജില് ഭവനില് താമസിക്കുന്ന ഷിജില്– കൃഷ്ണപ്രിയ ദമ്പതികളുടെ മകന് ഇഹാനാണ് കഴിഞ്ഞ വെള്ളിയാഴ്ച കുഴഞ്ഞുവീണ് മരിച്ചത്. ഷിജില് നല്കിയ ബിസ്കറ്റ് കഴിച്ചതിന് പിന്നാലെയാണ് കുഞ്ഞ് കുഴഞ്ഞുവീണതെന്നാണ് ബന്ധുക്കള് ആരോപിക്കുന്നത്. ഷിജിലും കൃഷ്ണപ്രിയയും തമ്മില് ദാമ്പത്യ പ്രശ്നങ്ങളുള്ളതായും പറയുന്നു.
