യാത്ര പ്ലാൻ ചെയ്തിരിക്കുന്നത് ഈ ദിവസങ്ങളിലാണോ? ശ്രദ്ധിക്കണേ, ഈ ട്രെയിനുകൾ വൈകും, അറിയിപ്പുമായി റെയിൽവേ

Jul 3, 2025, 2:35 pm GMT+0000 payyolionline.in

തിരുവനന്തപുരം: റെയിൽവേ ട്രാക്കിൽ അറ്റക്കുറ്റപ്പണികൾ നടക്കാനിരിക്കെ സംസ്ഥാനത്ത് വരും ദിവസങ്ങളിൽ ഏതാനം ട്രെയിനുകൾ വൈകും. പാലക്കാട് ഡിവിഷനിലെ വിവിധ റൂട്ടുകളിലാണ് അറ്റക്കുറ്റപ്പണികൾ നടത്തുകയെന്ന് സതേൺ റെയിൽവേ അറിയിച്ചു. ജൂലൈ 9, 23 തീയതികളിൽ തിരുവനന്തപുരം സെൻട്രലിൽ നിന്ന് യാത്ര ആരംഭിക്കുന്ന തിരുവനന്തപുരം സെൻട്രൽ – ഹസ്രത്ത് നിസാമുദ്ദിൻ (ട്രെയിൻ നമ്പർ 22633) ഒരു മണിക്കൂർ പത്ത് മിനിറ്റ് വൈകിയോടും.

ജൂലൈ ഒൻപത് (ബുധനാഴ്ച), 23 (ബുധനാഴ്ച) തീയതികളിൽ ആലപ്പുഴയിൽ നിന്ന് സർവീസ് ആരംഭിക്കുന്ന ആലപ്പുഴ – കണ്ണൂർ എക്സ്പ്രസ് (ട്രെയിൻ നമ്പർ 16307) ഒരു മണിക്കൂർ വൈകിയോടും. ജൂലൈ ഒൻപത് (ബുധനാഴ്ച), 23 (ബുധനാഴ്ച) തീയതികളിൽ തിരുവനന്തപുരം സെൻട്രലിൽ നിന്ന് സർവീസ് ആരംഭിക്കുന്ന തിരുവനന്തപുരം സെൻ ട്രൽ – കണ്ണൂർ ജനശതാബ്ദി സൂപ്പർഫാസ്റ്റ് എക്സ്പ്രസ് ഒരു മണിക്കൂർ വൈകുമെന്ന് സതേൺ റെയിൽവേ അറിയിച്ചു.ജൂലൈ 24 വ്യാഴാഴ്ച ഹസ്രത്ത് നിസാമുദ്ദീൻ ജങ്ഷൻ – എറണാകുളം ജങ്ഷൻ മംഗള ലക്ഷദ്വീപ് സൂപ്പർഫാസ്റ്റ് എക്സ്പ്രസ് (ട്രെയിൻ നമ്പർ 12618) യാത്രയ്ക്ക് 30 മിനിറ്റ് വൈകും. ജൂലൈ 25 വെള്ളിയാഴ്ച എറണാകുളം ജങ്ഷനിൽ നിന്ന് സർവീസ് ആരംഭിക്കുന്ന ട്രെയിൻ നമ്പർ 16338 എറണാകുളം ജങ്ഷൻ – ഓഖ വീക്ക്‌ലി എക്സ്പ്രസ് യാത്രയ്ക്ക് ഒരു മണിക്കൂർ വൈകും.

ജൂലൈ 25 വെള്ളിയാഴ്ച മംഗളൂരു സെൻട്രലിൽ നിന്ന് ആരംഭിക്കുന്ന മംഗളൂരു സെൻട്രൽ – ഡോ. എംജിആർ ചെന്നൈ സെൻട്രൽ വെസ്റ്റ് കോസ്റ്റ് സൂപ്പർഫാസ്റ്റ് എക്സ്പ്രസ് (ട്രെയിൻ നമ്പർ 22638) ഒരു മണിക്കൂർ വൈകും

ജൂലൈ 10 (വ്യാഴം), 15 ( ചൊവ്വ ), 17 (വ്യാഴം), ഓഗസ്റ്റ് 04 തീയതികളിൽ മംഗളൂരു സെൻട്രലിൽ നിന്ന് ആരംഭിക്കുന്ന ട്രെയിൻ നമ്പർ 22638 മംഗളൂരു സെൻട്രൽ – ഡോ. എംജിആർ ചെന്നൈ സെൻട്രൽ വെസ്റ്റ് കോസ്റ്റ് സൂപ്പർഫാസ്റ്റ് എക്സ്പ്രസ് യാത്രയ്ക്ക് 30 മിനിറ്റ് വൈകും. ട്രെയിനുകൾ വൈകിയോടുന്ന വിവരം സതേൺ റെയിൽവേ ഔദ്യോഗികമായി അറിയിച്ചതോടെ യാത്രക്കാർക്ക് സഹായകരമാകും. നിയന്ത്രണം സംബന്ധിച്ച കൂടുതൽ വിവരങ്ങൾ വരും ദിവസങ്ങളിൽ അധികൃതർ പുറത്തുവിട്ടേക്കും.

സിബിൽ സ്കോറിൽ വൻമാറ്റങ്ങൾ വരുന്നു: റേറ്റിങ്ങിൽ തത്സമയ അപ്ഡേറ്റുകൾ; വേഗത്തിൽ വ .. ശബരിമലയുടെ പേരില്‍ അനധികൃത പണപ്പിരിവ്; നടപടികളുമായി തിരുവിതാംകൂര്‍ ദേവസ്വം ബോ ..