പാലേരിയില്‍ ആള്‍താമസമില്ലാത്ത വീട്ടില്‍ പടക്ക നിര്‍മ്മാണത്തിനിടെ സ്‌ഫോടനം; ഒരാള്‍ക്ക് പരിക്ക്

Jan 7, 2026, 1:30 pm GMT+0000 payyolionline.in

ചങ്ങരോത്ത്: പാലേരിയില്‍ പടക്ക നിര്‍മ്മാണത്തിനിടെ സ്‌ഫോടനം. ഇന്ന് വൈകീട്ട് നാല് മണിയോടെയാണ് സംഭവം. അപകടത്തില്‍ ഒരാള്‍ക്ക് പരിക്കേറ്റു. കടിയങ്ങാട് സ്വദേശി എടക്കൊടുമ്മല്‍ അനില്‍കുമാറിനാണ് പരിക്കേറ്റത്. മുഖത്ത് പരിക്കേറ്റ ഇയാളെ കോഴിക്കോട് മെഡിക്കല്‍ കോളേജിലേയ്ക്ക് കൊണ്ടുപോയി. ചങ്ങരോത്ത് പഞ്ചായത്തിലെ 19 വാര്‍ഡ് പാലേരി കുയിമ്പില്‍ കരുവാന്‍കണ്ടിയില്‍ ആള്‍ താമസമില്ലാത്ത വീട്ടിലാണ് അപകടം നടന്നത്. മറ്റാര്‍ക്കും പരിക്കില്ലെന്നാണ് ലഭിക്കുന്ന വിവരം. സംഭവ സ്ഥലത്ത് പോലീസും ഡോഗ് സ്‌ക്വാഡുമെത്തി പരിശോധന നടത്തി വരികയാണ്. സംഭവ സ്ഥലത്ത് നിന്നും പടക്ക നിര്‍മ്മാണത്തിനുപയോഗിക്കുന്ന വെടിമരുന്നും മറ്റ് സാമഗ്രികളും കണ്ടെടുത്തിട്ടുണ്ട്.

അരങ്ങാടത്ത് കളരിക്കണ്ടി ബേബി അന്തരിച്ചു ആധാറിൽ തൊട്ടാലും പൊള്ളും; ആധാര്‍ പിവിസി കാര്‍ഡിന്‍റെ സർവീസ് ചാര്‍ജ് കുത്തനെ ക ..