ഉള്ളിയേരി: സംസ്ഥാന പാതയിൽ ഉള്ളിയേരി മാമ്പൊയിൽ കയറ്റത്തിൽ ബുള്ളറ്റ് സ്കൂട്ടിയിൽ ഇടിച്ച് സ്കൂൾ ബസ് ഡ്രൈവർക്കും വിദ്യാർഥിയ്ക്കും പരിക്കേറ്റു. ഇന്ന് രാവിലെ 9.30 ഓടെയാണ് സംഭവം. ഹെൽത്ത് സെന്റർ ഭാഗത്തേക്ക് പോവുകയായിരുന്ന പൂവമുള്ളതിൽ അബൂബബക്കർ (60) സഞ്ചരിച്ച സ്കൂട്ടി പിറകിൽ വന്ന ബുള്ളറ്റ് ഇടിച്ചു തെറിപ്പിക്കുകയായിരുന്നു.
മർക്കസ് സ്കൂൾ ബസ് ഡ്രൈവർ ആയ അബൂബക്കർ കുട്ടികളെ ഇറക്കി സ്കൂട്ടിയിൽ വീട്ടിലേക്ക് തിരിക്കുമ്പോഴാണ് അപകടം. സാരമായി പരിക്കേറ്റ അബൂബക്കറിനെ മൊടക്കല്ലൂർ ആശുപത്രിയിലേക്ക് കൊണ്ടുപോയി. നിസ്സാര പരിക്കേറ്റ വിദ്യാർത്ഥിയെ ഉള്ളിയേരി സാമൂഹ്യ ആരോഗ്യ കേന്ദ്രത്തിൽ പ്രവേശിപ്പിച്ചു.
