ന്യൂഡൽഹി: സ്പെഷ്യൽ പ്രൊട്ടക്ഷൻ ഗ്രൂപ്പ് (എസ്.പി.ജി) ഡയറക്ടർ അരുൺ കുമാർ സിൻഹ (61) അന്തരിച്ചു. ബുധനാഴ്ച പുലർച്ചെ ഡൽഹിയിലായിരുന്നു അന്ത്യം. അർബുദ ബാധിതനായി ചികിത്സയിലായിരുന്നു.
2016 മുതല്‍ എസ്.പി.ജി തലവനായി പ്രവര്‍ത്തിക്കുകയായിരുന്നു. പ്രധാനമന്ത്രിയുടെ സുരക്ഷാ വിഭാഗത്തിന്റെ ചുമതല വഹിച്ചിരുന്ന ഐ.പി.എസ് ഉദ്യോഗസ്ഥനാണ്. 1997 ബാച്ച് കേരള കേഡറായിരുന്നു അരുൺ കുമാർ സിൻഹ.
ജാർഖണ്ഡിലാണ് പഠനം പൂർത്തിയാക്കിയത്. തിരുവനന്തപുരം ഡി.സി.പി കമ്മീഷണർ, റേഞ്ച് ഐ.ജി, ഇന്റലിജൻസ് ഐ.ജി, അഡ്മിനിസ്ട്രേഷൻ ഐ.ജി തുടങ്ങിയ പദവികളിലെല്ലാം അരുൺ കുമാർ സിൻഹ ഇരുന്നിട്ടുണ്ട്.
