പാലാ: മുണ്ടാങ്കലിൽ കാറും സ്കൂട്ടറും കൂട്ടിയിടിച്ച് രണ്ട് യുവതികൾ മരിച്ചു. പാലാ കൊട്ടാരമറ്റം മീനച്ചിൽ അഗ്രോ സൊസൈറ്റി ജീവനക്കാരിയായ ധന്യ സന്തോഷ് (38) നെല്ലൻകുഴിയിൽ, മേലുകാവുമറ്റം, പ്രവിത്താനം അല്ലപ്പാറ പാലക്കുഴിക്കുന്നൽ ജോമോൾ സുനിൽ (35 )എന്നിവരാണ് മരണമടഞ്ഞത് .
ജോമോളുടെ മകൾ പാലാ സെന്റ് മേരീസ് സ്കൂളിലെ ആറാം ക്ലാസ് വിദ്യാർത്ഥിനി അന്നമോൾ ഗുരുതരാവസ്ഥയിൽ പാലാ മരിയൻ സെൻ്റർ ഹോസ്പിറ്റലിൽ പ്രവേശിക്കപ്പെട്ടിരിക്കുകയാണ്. യുവതികൾ എത്തിയ രണ്ട് സ്കൂട്ടറുകളും കാർ ഇടിച്ചു തെറിപ്പിക്കുകയായിരുന്നു. ഒരു സ്കൂട്ടറിൽ യുവതിക്കൊപ്പം ഉണ്ടായിരുന്ന കുട്ടിക്കും പരിക്കുണ്ട്.
കുട്ടിയെ അരുണാപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു. അന്നമോൾ സുനിൽ (11) എന്ന കുട്ടിയ്ക്കാണ് പരിക്ക്. ചുണ്ടച്ചേരി എൻജിനിയറിംങ് കോളേജിലെ വിദ്യാർഥികൾ സഞ്ചരിച്ച കാറാണ് അപകടം സൃഷ്ടിച്ചത്. പാലാ തൊടുപുഴ റോഡിൽ മുണ്ടാങ്കൽ സ്കൂളിന് മുന്നിലായിരുന്നു അപകടം.
