കൊയിലാണ്ടി: കൊയിലാണ്ടിയിലെ ഹോട്ടലിൽ തീപ്പിടുത്തം. ഇന്ന് രാവിലെ ഏഴരയ്ക്കാണ് നബ്രത്ത്കര തൊടുതയിൽ ബീനയുടെ ഉടമസ്ഥതയിലുള്ള ഹോട്ടൽ പടിക്കലിൽ തീപിടുത്തം ഉണ്ടായത്. അടുക്കളയിലെ എൽപിജി ഗ്യാസിന് തീ പിടിച്ച് തുടർന്ന് ഫ്രിഡ്ജ് ഉൾപ്പെടെയുള്ള ഇലക്ട്രോണിക്സ് ഉപകരണങ്ങളിലേക്ക് തീ പടരുകയുമായിരുന്നു. തുടർന്ന് കൊയിലാണ്ടിയിലെ ഫയർഫോഴ്സ് എത്തി തീ അണച്ചു.
കിച്ചണിൽ ഉണ്ടായിരുന്ന അനുബന്ധ ഉപകരണങ്ങളും ഇലക്ട്രിക് വയറിങ് സംവിധാനത്തിനും കാര്യമായി കേടു പറ്റിയിട്ടുണ്ട്. എഎസ് ടി ഒ അനിൽകുമാർ പി എമ്മിന്റെ നേതൃത്വത്തിൽ എസ് എഫ് ആർ ഒ അനൂപ് ബി കെ, എഫ് ആർ ഒ മാരായ രതീഷ് കെ എൻ,നിധി പ്രസാദ് ഇ എം, അമൽ വിഎസ്, ഷാജു കെ,ഹോംഗാർഡ് ടി പി ബാലൻ എന്നിവർ പ്രവർത്തനത്തിൽ ഏർപ്പെട്ടു.
