കൊയിലാണ്ടി: ഒളിവിലായിരുന്ന വധശ്രമ കേസ്സിലെ പ്രതി അറസ്റ്റിൽ. നടുവത്തൂർ തിരുമംഗലത്ത് താഴെ സ്വദേശിയുടെ വീട്ടിൽ കയറി ആക്രമണം നടത്തിയ കേസിലെ പ്രതിയായ അശ്വിൻ രാജിനെയാണ് ഒളിവിൽ കഴിഞ്ഞിരുന്ന മുക്കത്തെ വീട്ടിൽ നിന്ന് കണ്ടെത്തി അറസ്റ്റ് ചെയ്തത്.ഒരു മാസം മുമ്പ് നടന്ന വധശ്രമത്തിനു ശേഷം പ്രതി വിവിധ സ്ഥലങ്ങളിലായി ഒളിവിൽ കഴിയുകയായിരുന്നു. കൊയിലാണ്ടി സ്റ്റേഷൻ പരിധിയിൽ നിരവധി അക്രമ കേസുകളിൽ പ്രതിയായ അശ്വിൻ രാജിനെ കുറിച്ച് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പൊലീസ് നടപടി.
കൊയിലാണ്ടി പൊലീസ് ഇൻസ്പെക്ടർ സുമുത്ത് കുമാറിന്റെ നേതൃത്വത്തിൽ എസ്.ഐമാരായ ജീഷ്മ, സുജിലേഷ്, അവിനാഷ്, എ.എസ്.ഐ വിജു വാണിയംകുളം, ശ്രീലത, കരീം എന്നിവരടങ്ങിയ അന്വേഷണ സംഘമാണ് പ്രതിയെ അറസ്റ്റ് ചെയ്തത്.
