കൊയിലാണ്ടി: പന്തലായനി ഹൈസ്കൂളിന് സമീപത്ത് വെച്ച് വയോധികൻ ട്രെയിൻ തട്ടി മരിച്ചു. ഇന്ന് വൈകുന്നേരം 3.30-ഓടെയാണ് അപകടം നടന്നത്. മരിച്ചയാളെ ഇതുവരെ തിരിച്ചറിഞ്ഞിട്ടില്ല. ഏകദേശം 65 വയസ്സ് പ്രായം തോന്നിപ്പിക്കുന്ന ഇദ്ദേഹം നീല ഷർട്ടും വെള്ള മുണ്ടുമാണ് ധരിച്ചിരിക്കുന്നത്. നടപടിക്രമങ്ങൾ പൂർത്തിയാക്കിയ ശേഷം മൃതദേഹം കൊയിലാണ്ടി താലൂക്ക് ആശുപത്രി മോർച്ചറിയിലേക്ക് മാറ്റിയിരിക്കുകയാണ്.