കോട്ടയം: കോട്ടയത്ത് ട്രെയിൻ തട്ടി അമ്മയ്ക്കും കുഞ്ഞിനും ദാരുണാന്ത്യം. കോട്ടയം അടിച്ചിറയിൽ രാവിലെ 10.50 യോടെയാണ് സംഭവം. അതിഥി തൊഴിലാളിയായ അമ്മയും കുഞ്ഞുമാണ് മരിച്ചതെന്നാണ് പ്രാഥമിക വിവരം. കാരിത്താസ് മേൽപ്പാലത്തിനു സമീപത്തുവച്ചായിരുന്നു അപകടം. തിരുവനന്തപുരം – ഹൈദരാബാദ് ശബരി എക്സ്പ്രസാണ് ഇരുവരെയും ഇടിച്ചതെന്നാണ് വിവരം. ഗാന്ധിനഗർ പൊലീസും ആർപിഎഫും സ്ഥലത്തെത്തി തുടർനടപടികൾ സ്വീകരിച്ചു. മൃതദേഹങ്ങൾ കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി.