കോഴിക്കോട്: ബീച്ചിൽ വെച്ച് പൊലീസുകാരനെ ആക്രമിച്ച നേപ്പാൾ സ്വദേശികളായ ബിഷ്ണുകുമാർ (23), രൂപേഷ് കുമാർ (20) എന്നിവരെ വെള്ളയിൽ പൊലീസ് കസ്റ്റഡിയിലെടുത്തു.
ബീച്ച് ലയൺസ് പാർക്കിന് സമീപം ബീറ്റ് ഡ്യൂട്ടി ചെയ്യുകയായിരുന്ന എലത്തൂർ കോസ്റ്റൽ പൊലീസ് സ്റ്റേഷനിലെ സി.പി.ഒ ജുബിനെ പ്രതികൾ ഔദ്യോഗിക കൃത്യനിർവഹണം തടസ്സപ്പെടുത്തി ആക്രമിക്കുകയായിരുന്നു. തുടർന്ന് വെള്ളയിൽ പൊലീസ് സ്റ്റേഷൻ എസ്.ഐയുടെ നേതൃത്വത്തിലുള്ള പൊലീസ് സംഘം പ്രതികളെ കസ്റ്റഡിയിലെടുത്തു.
