ഇന്നലെ നടന്ന കർണാടക നിയമസഭാ തിരഞ്ഞെടുപ്പിൽ റെക്കോർഡ് പോളിങ് രേഖപ്പെടുത്തി. തിരഞ്ഞെടുപ്പ് കമ്മിഷന്റെ അവസാന കണക്ക് പ്രകാരം 72.81%. കർണാടക നിയമസഭാ തിരഞ്ഞെടുപ്പ് ചരിത്രത്തിലെ റെക്കോർഡാണിത്.

2018ൽ കുറിച്ച പോളിങ് റെക്കോർഡ് 72.10% ആണ് ഇക്കുറി തിരുത്തിയത്. ഏറ്റവും ഉയർന്ന പോളിങ് രേഖപ്പെടുത്തിയ മണ്ഡലം: ഹൊസകോട് – 90.90%. കുറഞ്ഞ പോളിങ്: സി.വി.രാമൻനഗർ – 47.43%.

പ്രമുഖ നേതാക്കൾ മത്സരിക്കുന്ന മണ്ഡലങ്ങളിലെ പോളിങ്

ഷിഗോൺ (ബാസവരാജ് ബൊമ്മ): 79.60%
വരുണ (സിദ്ധരാമയ്യ): 84.39%
കനകപുര (ഡി.കെ.ശിവകുമാർ): 84.52%
ഹൂബള്ളി ധാർവാഡ് (ജഗദീഷ് ഷെട്ടർ): 64.14%

224 മണ്ഡലങ്ങളിലേക്കുള്ള തിരഞ്ഞെടുപ്പിൽ ആകെ 3,615 സ്ഥാനാർഥികളാണ് പോരടിച്ചത്. 113 സീറ്റുകളാണ് കേവലഭൂരിപക്ഷത്തിനു വേണ്ടത്. ശനിയാഴ്ചയാണ് വോട്ടെണ്ണൽ.