തൃശ്ശൂർ ഒല്ലൂരിൽ ട്രെയിൻ യാത്രയ്ക്കിടെ പോസ്റ്റിൽ തലയിടിച്ച് യുവാവിന് ഗുരുതര പരിക്ക്.
പോസ്റ്റിൽ തലയിടിച്ച യുവാവ് ട്രെയിനിന് അകത്തേക്ക് തെറിച്ചുവീണു. ചവിട്ടുപടിയിൽ നിന്ന് ഡോറിലൂടെ പുറത്തേക്ക് തലയിട്ടു നോക്കിയപ്പോളായിരുന്നു അപകടം. കന്യാകുമാരി – പൂനെ ട്രെയിനിൽ ജനറൽ കമ്പാർട്ട്മെന്റിൽ അഞ്ചു മണിയോടെ ആയിരുന്നു സംഭവം.
ട്രെയിൻ തൊട്ടടുത്ത സ്റ്റേഷൻ ആയ തൃശ്ശൂരിൽ എത്തിയതോടെ റെയിൽവേ പോലീസ് യുവാവിനെ തൃശ്ശൂർ ജനറൽ ആശുപത്രിയിലേക്ക് എത്തിച്ചു . പിന്നീട് വിദഗ്ധ ചികിത്സയ്ക്കായി തൃശ്ശൂർ മെഡിക്കൽ കോളേജിലേക്ക് മാറ്റി.തലയിൽ ആഴത്തിൽ ഉണ്ടായ മുറിവിൽ നിന്നും വാർന്ന രക്തം ട്രെയിനിൽ തളംകെട്ടി കിടക്കുന്ന നിലയിലാണ്. അതേസമയം പരിക്കേറ്റ യുവാവിനെ ഇതുവരെ തിരിച്ചറിഞ്ഞിട്ടില്ല.
