തിക്കോടി: തിക്കോടിയിൽ റഫ്രിജറേറ്റർ കത്തി നശിച്ചു. ഇന്നലെ രാത്രി 12 മണിയോടെ തിക്കോടി പഞ്ചായത്ത്‌ എട്ടാം വാർഡിൽ നമ്പൂരികണ്ടി മൂസയുടെ വീട്ടിലെ റഫ്രിജറേറ്റർ ആണ് പൂർണമായും കത്തി നശിച്ചത്.
സമീപത്തെ ചുമരിനും വയറിങ്ങുകൾക്കും സാരമായ കേടുപാടുകൾ ഉണ്ടായി. ഉറങ്ങിക്കിടന്ന വീട്ടുകാർ ശബ്ദം കേട്ട് ഉണർന്നതിനാലാണ് വലിയ അപകടം ഒഴിവായത്. സന്ദേശം ലഭിച്ചതിനെ തുടർന്ന് ഗ്രേഡ് എ.എസ്. ടി. ഒ എം.മജീദിന്റെ നേതൃത്വത്തിൽ സിജിത്ത്, ബിനീഷ്, റഷീദ്, ഹോംഗാർഡ് രാജീവ്‌ എന്നിവർ സ്ഥലത്തെത്തി. കൂടുതൽ അപകടം ഉണ്ടാവാന്‍ സാധ്യതയില്ലെന്നു ഉറപ്പ്‌ വരുത്തി.
