തോൽപ്പെട്ടിയിൽ 30 വെടിയുണ്ടകളുമായി താമരശ്ശേരി സ്വദേശി പിടിയിൽ

Sep 13, 2025, 3:01 pm GMT+0000 payyolionline.in

തോൽപ്പെട്ടി: എക്സൈസ് ചെക്ക്പോസ്റ്റിൽ നടത്തിയ പരിശോധനയിൽ വെടിയുണ്ടകളുമായി യുവാവിനെ പിടികൂടി. താമരശ്ശേരി ഉണ്ണികുളം സ്വദേശി ഞാറപ്പൊയിൽ വീട്ടിൽ മൊയ്തീൻ ഹാജിയുടെ മകൻ സുഹൈബ് എൻ.പി. (40) ആണ് പിടിയിലായത്. ഇയാളിൽ നിന്ന് 30 വെടിയുണ്ടകൾ കണ്ടെടുത്തു. ഇന്ന് രാവിലെ തോൽപ്പെട്ടി എക്സൈസ് ചെക്ക് പോസ്റ്റിൽ പ്രിവന്റീവ് ഓഫീസർ ജോണി കെ.യുടെ നേതൃത്വത്തിൽ നടന്ന വാഹനപരിശോധനയ്ക്കിടെയാണ് സംഭവം. കർണാടകയിൽ നിന്ന് കാൽനടയായി വരികയായിരുന്ന ഇയാളെ സംശയം തോന്നി എക്സൈസ് ഉദ്യോഗസ്ഥർ ചോദ്യം ചെയ്യുകയായിരുന്നു. തുടർന്ന് ഇയാൾ തന്റെ കൈവശം വെടിയുണ്ടകളുണ്ടെന്ന് സമ്മതിച്ചു. എക്സൈസ് സംഘം വിവരമറിയിച്ചതിനെ തുടർന്ന് സ്ഥലത്തെത്തിയ തിരുനെല്ലി പോലീസ് നടത്തിയ ദേഹപരിശോധനയിലാണ് 30 വെടിയുണ്ടകൾ കണ്ടെടുത്തത്. പ്രിവന്റീവ് ഓഫീസർ സുരേന്ദ്രൻ എം.കെ, സിവിൽ എക്സൈസ് ഓഫീസർമാരായ രാജേഷ് കെ. തോമസ്, ശശികുമാർ പി.എൻ, സുധിപ് ബി എന്നിവരും പരിശോധനാ സംഘത്തിലുണ്ടായിരുന്നു. തുടർ നടപടികൾക്കായി പ്രതിയെ തിരുനെല്ലി പോലീസിന് കൈമാറി.

അമീബിക് മസ്തിഷ്ക ജ്വരം; ആക്കുളം ടൂറിസ്റ്റ് വില്ലേജിലെ സ്വിമ്മിങ് പൂൾ പൂട്ടി മുക്കത്ത് അതിഥി തൊഴിലാളിയെ കഴുത്ത് മുറിച്ച് മരിച്ച നിലയിൽ കണ്ടെത്തി