ദേശീയപാത 66: മലപ്പുറം ജില്ലയില്‍ നവംബര്‍ 15 മുതല്‍ ടോള്‍പിരിക്കാന്‍ സാധ്യത; നിര്‍മാണത്തിന് ഫെബ്രുവരി 23 വരെ സമയം നീട്ടി

Oct 25, 2025, 11:17 am GMT+0000 payyolionline.in

കുറ്റിപ്പുറം(മലപ്പുറം): ദേശീയപാത-66 ആറുവരിപ്പാതയുടെ ജില്ലയിലെ കഞ്ഞിപ്പുര-കാപ്പിരിക്കാട് റീച്ച് നിര്‍മാണം പൂര്‍ത്തിയാക്കാന്‍ ഫെബ്രുവരി 23 വരെ സമയം അനുവദിച്ചു. ഇടിമുഴിക്കല്‍ മുതല്‍ കഞ്ഞിപ്പുര വരെയുള്ള റീച്ച് നിര്‍മാണത്തിന് മാര്‍ച്ച് അഞ്ചുവരെയായിരുന്നു കരാര്‍ കമ്പനിക്ക് ദേശീയപാത അതോറിറ്റി ഓഫ് ഇന്ത്യ സമയപരിധി നല്‍കിയിരുന്നത്.കഞ്ഞിപ്പുര-കാപ്പിരിക്കാട് റീച്ചില്‍ കുറ്റിപ്പുറത്തും കഞ്ഞിപ്പുര-ഇടിമുഴിക്കല്‍ റീച്ചില്‍ കൂരിയാടുമാണ് നിര്‍മാണപ്രവൃത്തികള്‍ പൂര്‍ത്തീകരിക്കാനുള്ളത്. കൂരിയാട് നേരത്തേ നിര്‍മാണം പൂര്‍ത്തിയാക്കിയെങ്കിലും തകര്‍ച്ചയുണ്ടായ ഭാഗത്ത് പുനര്‍നിര്‍മാണം നടക്കുകയാണ്. കുറ്റിപ്പുറത്ത് ഹൈവേ ജങ്ഷന്‍ മുതല്‍ അത്താണി ബസാര്‍ വരെയുള്ള ദൂരത്തും നിര്‍മാണം നടക്കാനുണ്ട്. പുതുതായി കുറ്റിപ്പുറത്ത് നിര്‍മിച്ച റെയില്‍വേ മേല്‍പ്പാലത്തിന്റെ കോമ്പോസിറ്റ് ഗര്‍ഡറും സ്ഥാപിക്കണംജില്ലയിലെ ആറുവരിപ്പാതയില്‍ നവംബര്‍ 15 മുതല്‍ ടോള്‍ പിരിക്കാനുള്ള സാധ്യതയുണ്ട്. കഞ്ഞിപ്പുരയില്‍ ടോള്‍ ബൂത്ത് പ്രവര്‍ത്തനസജ്ജവുമാണ്.

ദേശീയ പാതയില്‍ വടകരയ്ക്കും കൊയിലാണ്ടിയ്ക്കും ഇടയില്‍ ബസ്സോട്ടം കടുത്ത പ്രതിസന .. കൊല്ലപ്പെട്ട സ്ത്രീയുടെ മൃതദേഹത്തിലെ ആഭരണങ്ങൾ ആശുപത്രിയിൽ നിന്ന് മോഷണം പോയി