നിലമ്പൂർ: നിയമസഭ ഉപതെരഞ്ഞെടുപ്പിൽ നിലമ്പൂരിൽ വിധിയെഴുത്ത് തുടങ്ങി. 263 ബൂത്തുകളിലായാണ് വോട്ടെടുപ്പ് തുടങ്ങിയത്. വോട്ടെടുപ്പ് തുടങ്ങിയത് മുതൽ പല ബൂത്തുകളിലും നീണ്ടുനിരയാണ് ദൃശ്യമാകുന്നത്. രാവിലെ ഏഴ് മണി മുതൽ വൈകീട്ട് ആറ് മണി വരെയാണ് പോളിങ്.2.32 ല​ക്ഷം പേ​രാ​ണ് വി​ധി​യെ​ഴു​തു​ന്ന​ത്. പു​തി​യ എം.​എ​ൽ.​എ ആ​രെ​ന്ന് 23ന് ​അ​റി​യാം.

എൽ.ഡി.എഫിന്റെ സിറ്റിങ് സീറ്റായിരുന്ന നിലമ്പൂരിൽ ഇക്കുറി സംസ്ഥാന സെക്രട്ടറിയേറ്റംഗം എം.സ്വരാജിനെയാണ് സി.പി.എം കളത്തിലിറക്കിയിരിക്കുന്നത്. ആര്യാടൻ ഷൗക്കത്താണ് മണ്ഡലത്തിലെ യു.ഡി.എഫ് സ്ഥാനാർഥി. എൽ.ഡി.എഫുമായി തെറ്റി എം.എൽ.എ സ്ഥാനം രാജിവെച്ച പി.വി അൻവറും മത്സരരംഗത്തുണ്ട്. മോഹൻ ജോർജാണ് മണ്ഡലത്തിലെ ബി.ജെ.പി സ്ഥാനാർഥി.

വാ​ശി​യേ​റി​യ മ​ത്സ​ര​ത്തി​ന്‍റെ പ്ര​തി​ഫ​ല​നം പോ​ളി​ങ് ശ​ത​മാ​ന​ത്തി​ൽ കാ​ണു​മെ​ന്ന വി​ശ്വാ​സ​ത്തി​ലാ​ണ് മു​ന്ന​ണി​ക​ളും സ്ഥാ​നാ​ർ​ഥി​ക​ളും. ക​ലാ​ശ​ക്കൊ​ട്ട് ശ​ക്തി​പ്ര​ചാ​ര​ണ​മാ​ക്കി ഓ​രോ വോ​ട്ടും ഉ​റ​പ്പി​ച്ചാ​ണ് മ​ന്ത്രി​മാ​രും നേ​താ​ക്ക​ളും ക​ളം​വി​ട്ട​ത്. വ​ഴി​ക്ക​ട​വ്, എ​ട​ക്ക​ര, പോ​ത്തു​ക​ല്ല്, മൂ​ത്തേ​ടം, ക​രു​ളാ​യി, അ​മ​ര​മ്പ​ലം, ചു​ങ്ക​ത്ത​റ പ​ഞ്ചാ​യ​ത്തു​ക​ളും നി​ല​മ്പൂ​ർ ന​ഗ​ര​സ​ഭ​യും അ​ട​ങ്ങു​ന്ന​താ​ണ് മ​ണ്ഡ​ലം.

ന​ഗ​ര​സ​ഭ​യും അ​മ​ര​മ്പ​ലം, പോ​ത്തു​ക​ല്ല് പ​ഞ്ചാ​യ​ത്തു​ക​ളും എ​ൽ.​ഡി.​എ​ഫാ​ണ് ഭ​രി​ക്കു​ന്ന​ത്. മ​റ്റു അ​ഞ്ച് പ​ഞ്ചാ​യ​ത്തു​ക​ളി​ൽ യു.​ഡി.​എ​ഫാ​ണ്. പി.​വി. അ​ൻ​വ​ർ എ​ത്ര വോ​ട്ട് പി​ടി​ക്കു​മെ​ന്നാ​ണ് മു​ന്ന​ണി​ക​ൾ ഉ​റ്റു​നോ​ക്കു​ന്ന​ത്. ഇ​ത് ജ​യ​പ​രാ​ജ​യ​ത്തി​ൽ നി​ർ​ണാ​യ​ക​മാ​വും.

ര​ണ്ടാം പി​ണ​റാ​യി സ​ർ​ക്കാ​റി​ന്‍റെ കാ​ല​ത്ത് ഇ​തു​വ​രെ ന​ട​ന്ന ഉ​പ​തെ​ര​ഞ്ഞെ​ടു​പ്പു​ക​ളി​ലെ​ല്ലാം വോ​ട്ടി​ൽ ഏ​റ്റ​ക്കു​റ​ച്ചി​ലു​ണ്ടാ​യെ​ങ്കി​ലും ജ​യം സി​റ്റി​ങ് പാ​ർ​ട്ടി​ക്കാ​യി​രു​ന്നു.