ആവശ്യമായ സാധനങ്ങൾ:
- റവ – രണ്ട് ടേബിൾ സ്പൂൺ
- നെയ്യ് – ഒരു ടേബിൾ സ്പൂൺ
- ചെറിയ ഉള്ളി – ഒരു ടീസ്പൂൺ
- കശുവണ്ടി – ഒരു ടേബിൾസ്പൂൺ
- കിസ്മിസ് – ഒരു ടേബിൾസ്പൂൺ
- ഏലക്കാപ്പൊടി – കാൽ ടീസ്പൂൺ
- ഉപ്പ് – രണ്ടു നുള്ള്
- പാൽ – ഒന്നരക്കപ്പ്
- വെള്ളം – മുക്കാൽ കപ്പ്
- പഞ്ചസാര – രണ്ട് ടേബിൾ സ്പൂൺ
തയാറാക്കുന്ന വിധം:
റവ ചെറിയ തീയിൽ പാകമാകുന്നതുവരെ നന്നായി വറുത്തെടുക്കുക. തുടർന്ന് പാലിലേക്ക് മുക്കാൽ കപ്പ് വെള്ളവും ചേർത്ത് തിളപ്പിക്കാൻ വെക്കാം. രണ്ട് ടേബിൾ സ്പൂൺ പഞ്ചസാരയും ഇതിൽ ചേർക്കുക.
തുടർന്നു ഏലക്കായ പൊടിച്ചതും ഉപ്പും ചേർക്കാം. ഇത് തിളച്ചുവരുമ്പോൾ വറത്തു വെച്ച റവ ചേർത്ത് ഇളക്കി ചെറിയ തീയിൽ വേവിച്ചെടുക്കാം. ആവശ്യത്തിനനുസരിച്ച് കുറുകി തുടങ്ങുമ്പോൾ തീ കെടുത്താം.
ഒരു പാനിൽ നെയ്യ് ചൂടാക്കി അതിലേക്ക് ചെറിയ ഉള്ളി ചെറുതായി അരിഞ്ഞത് ചേർക്കുക. ഇവ നന്നായി മൂത്തു തുടങ്ങുമ്പോൾ കശുവണ്ടി നുറുക്കിയത് ചേർക്കാം.
ചെറുതായി നിറം മാറി തുടങ്ങുമ്പോൾ ഒരു ടേബിൾസ്പൂൺ ഉണക്കമുന്തിരിയും ചേർക്കാം. ഇത് നേരത്തെ തയാറാക്കിയ തരിക്കഞ്ഞിയിലേക്ക് ചേർക്കുന്നതോടെ മലബാർ സ്‍പെഷൽ തരിക്കഞ്ഞി റെഡി.
