പയ്യോളി: പയ്യോളി പോലീസ് സ്റ്റേഷൻ പരിധിയിൽ താമസിക്കുന്നതും ജോലി ചെയ്യുന്നതുമായ ഇതര സംസ്ഥാന തൊഴിലാളികൾ പയ്യോളി പോലീസ് സ്റ്റേഷനില്‍ ഹാജരായി രജിസ്ട്രേഷന്‍ നടപടികള്‍ പൂര്‍ത്തിയാക്കണമെന്ന് പയ്യോളി പോലീസ് അറിയിച്ചു. ജോലി ചെയ്യിക്കുന്ന തൊഴിൽ ഉടമക്കും തൊഴിലാളികള്‍ താമസിപ്പിന്ന കെട്ടിട ഉടമകളും ഇക്കാര്യത്തില്‍ മുന്‍കൈ എടുക്കണമെന്ന് പയ്യോളി സ്റ്റേഷന്‍ ഹൌസ് ഓഫീസര്‍ ശക്തി സിങ് ആര്യ ഐപിഎസ് നിര്‍ദ്ദേശിക്കുന്നു. ആഗസ്ത് 20 മുതല്‍ 23 വരെയുള്ള ദിവസങ്ങളില്‍ നടക്കുന്ന രജിസ്റ്റ്രേഷന് ഹാജരാകുമ്പോള്‍ ആധാർ കാർഡ്, പാൻകാർഡ്, മൊബൈൽ ഫോൺ നമ്പർ എന്നിവ നിര്‍ബന്ധമായും കരുതണമെന്ന് പോലീസ് അറിയിക്കുന്നു.
