കൊച്ചി : സംസ്ഥാനത്ത് സ്വര്‍ണവിലയിൽ ഇന്ന് മാറ്റമില്ല. 76,960 രൂപയിലാണ് ഇന്നും സ്വർണവ്യാപാരം നടക്കുന്നത്. ഇന്നലെയും പവന് ഇതേ വില തന്നെയായിരുന്നു. ​ഗ്രാമിന് 9,620 രൂപയാണ്. ഇന്നലെ ഒറ്റയടിക്ക് 1200 രൂപ വർധിച്ചാണ് പവന്റെ വില 76,000ത്തിലേക്ക് ഉയർന്നത്. സർവകാല റെക്കോർഡിലാണ് നിലവിൽ സ്വർണവ്യാപാരം നടക്കുന്നത്. സ്ഥിതി തുടരുകയാണെങ്കിൽ ഉടൻ തന്നെ 77,000 കടക്കും.

ജൂലൈ 23ന് പവൻ വില 75,000ലെത്തിയിരുന്നു. തുടർന്ന് കുറഞ്ഞതിനു ശേഷം ആ​ഗസ്ത് 6ന് വീണ്ടും 75,000 കടന്ന പവൻവില ആറ് ദിവസം ഉയർന്നുനിന്ന ശേഷമാണ് വീണ്ടും 74,000ത്തിലേക്ക് വീണത്. എന്നാൽ കഴിഞ്ഞ ദിവസം വില കുതിച്ചുയർന്നതോടെ ഒറ്റയടിക്ക് 77,000ത്തിന് അടുത്തേക്കാണ് പവൻവില എത്തിയത്.

പണിക്കൂലിയും നികുതിയും ഉൾപ്പെടെ ഒരുപവന് 81,000 രൂപയ്ക്ക് മുകളിൽ നൽകേണ്ടി വരും. 24 കാരറ്റിന് പവന് 83,960 രൂപയും ​ഗ്രാമിന് 10,495 രൂപയുമാണ് വില. 18 കാരറ്റിന് പവന് 62,968 രൂപയും ​ഗ്രാമിന് 7,871 രൂപയുമാണ് വില. ജനുവരി 22നാണ് സ്വർണവില ആദ്യമായി 60,000 കടന്നത്. തുടർന്ന് ഫെബ്രുവരി 11ന് പവൻ വില 64,000 കടന്നിരുന്നു.

മാർച്ച് 14ന് 65,000 കടന്ന വില ഏപ്രിൽ 12നാണ് ആദ്യമായി 70,000 കടന്നത്. ​തുടർന്ന് ഏപ്രിൽ 17ന് പവൻ വില 71,000ഉം ഏപ്രിൽ 22ന് വില 74,000ഉം കടന്നു.

രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കുന്നത്. സ്വർണത്തിന്റെ രാജ്യാന്തര വില, ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വർണ വില നിർണയിക്കുന്നത്. വെള്ളിയ്ക്കും വില വർധിച്ചു. ഗ്രാമിന് 131 രൂപയും കിലോ​ഗ്രാമിന് 1,31,000 രൂപയുമാണ് വില.