എടക്കര (മലപ്പുറം): മരുമകന്റെ വെട്ടേറ്റ് വയോധികൻ മരിച്ചു. മരുത മത്തളപ്പാറ ആനടിയിൽ പ്രഭാകരനാണ് (77) മകളുടെ ഭർത്താവ് മനോജിന്റെ വെട്ടേറ്റ് മരിച്ചത്. കൊലപാതകം നടത്തിയ ശേഷം പ്രതി കത്തിയുമായി വഴിക്കടവ് പൊലീസ് സ്റ്റേഷനിൽ കീഴടങ്ങി.
ചൊവ്വാഴ്ച രാവിലെ പതിനൊന്നോടെയാണ് സംഭവം. കുടുംബ പ്രശ്നമാണ് കൊലപാതകത്തിന് കാരണമായി കരുതുന്നത്. ജില്ലയുടെ ചുമതലയുള്ള പൊലീസ് മേധാവി, പെരിന്തൽമണ്ണ ഡിവൈ.എസ്.പി, വഴിക്കടവ് ഇൻസ്പെക്ടർ എന്നിവർ സ്ഥലത്തെത്തിയിട്ടുണ്ട്.
