കോ​ഴി​ക്കോ​ട്: പ്ര​തി​പ​ക്ഷ​ത്തി​ന്‍റെ​യോ മ​തേ​ത​ര പാ​ർ​ട്ടി​ക​ളു​ടെ​യോ എ​തി​ർ​പ്പ് വ​ക​വെ​ക്കാ​തെ നി​ല​വി​ലെ വ​ഖ​ഫ് നി​യ​മ​ങ്ങ​ളി​ൽ മാ​റ്റം​വ​രു​ത്തി കേ​ന്ദ്ര​സ​ർ​ക്കാ​ർ പു​തി​യ നി​യ​മം അ​ടി​ച്ചേ​ൽ​പി​ച്ച​തി​നെ​തി​രെ ഐ.​എ​ൻ.​എ​ൽ സം​സ്ഥാ​ന ക​മ്മി​റ്റി ബി​ൽ അ​റ​ബി​ക്ക​ട​ലി​ൽ എ​റി​ഞ്ഞ് പ്ര​തി​ഷേ​ധി​ക്കും. 15ന് ​വൈ​കീ​ട്ട് നാ​ലി​ന് ക​ട​പ്പു​റ​ത്ത്​ സം​ഘ​ടി​പ്പി​ക്കു​ന്ന പ​രി​പാ​ടി​യി​ൽ സാം​സ്കാ​രി​ക നാ​യ​ക​ർ പ​ങ്കെ​ടു​ക്കു​മെ​ന്ന് സം​സ്ഥാ​ന പ്ര​സി​ഡ​ന്‍റ് അ​ഹ​മ്മ​ദ് ദേ​വ​ർ​കോ​വി​ൽ എം.​എ​ൽ.​എ, ജ​ന​റ​ൽ സെ​ക്ര​ട്ട​റി കാ​സിം ഇ​രി​ക്കൂ​ർ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു.

മു​ന​മ്പം പ്ര​ശ്നം വ​ഖ​ഫ് നി​യ​മം പ്രാ​ബ​ല്യ​ത്തി​ൽ വ​ന്ന​തോ​ടെ പ​രി​ഹ​രി​ക്ക​പ്പെ​ടു​മെ​ന്ന് ബ​ന്ധ​പ്പെ​ട്ട​വ​രെ തെ​റ്റി​ദ്ധ​രി​പ്പി​ക്കാ​ൻ പ്ര​ധാ​ന​മ​ന്ത്രി മോ​ദി മു​ത​ൽ ബി.​ജെ.​പി​യു​ടെ കീ​ഴ്ത്ത​ട്ടി​ലു​ള്ള നേ​താ​ക്ക​ൾ വ​രെ കു​പ്ര​ചാ​ര​ണം ന​ട​ത്തു​ക​യാ​ണ്. ഇ​ത് മു​സ്‍ലിം​ക​ൾ​ക്കും ക്രി​സ്ത്യാ​നി​ക​ൾ​ക്കു​മി​ട​യി​ൽ അ​ക​ൽ​ച്ച സൃ​ഷ്ടി​ക്കാ​നു​ള്ള ത​ന്ത്ര​മാ​ണെ​ന്ന് തി​രി​ച്ച​റി​യ​ണം.

വെ​ള്ളാ​പ്പ​ള്ളി ന​ടേ​ശ​ന്‍റെ മ​ല​പ്പു​റം വി​രു​​ദ്ധ പ​രാ​മ​ർ​ശം ബി.​ജെ.​പി ന​ട​ത്തു​ന്ന മ​ല​പ്പു​റം കു​പ്ര​ചാ​ര​ണ​ത്തേ​ക്കാ​ൾ അ​പ്പു​റ​മാ​യി​പ്പോ​യെ​ന്നും നേ​താ​ക്ക​ൾ പ​റ​ഞ്ഞു. ഏ​തു സാ​ഹ​ച​ര്യ​ത്തി​ലാ​യാ​ലും ഇ​ങ്ങ​നെ​യൊ​രു പ​രാ​മ​ർ​ശം ന​ട​ത്തി​യ​ത് ശ​രി​യാ​യി​ല്ല. വീ​ട്ടി​ൽ​ത്ത​ന്നെ ആ​ർ.​എ​സ്.​എ​സ് ശാ​ഖ​യു​ള്ള ആ​ളാ​ണ് വെ​ള്ളാ​പ്പ​ള്ളി. എ​ന്നാ​ൽ, വെ​ള്ളാ​പ്പ​ള്ളി​യെ ആ​ദ​രി​ക്കു​ന്ന ച​ട​ങ്ങി​ൽ മു​ഖ്യ​മ​ന്ത്രി പ​ങ്കെ​ടു​ത്ത​ത് ഇ​തു​മാ​യി ചേ​ർ​ത്തു​വെ​ക്കേ​ണ്ട​തി​ല്ലെ​ന്നും അ​ത്ത​രം പ​രി​പാ​ടി​ക​ളി​ൽ പ​ങ്കെ​ടു​ക്കേ​ണ്ട​ത് മു​ഖ്യ​മ​ന്ത്രി എ​ന്ന നി​ല​ക്ക് അ​ദ്ദേ​ഹ​ത്തി​ന്‍റെ ക​ട​മ​യാ​ണെ​ന്നും ഐ.​എ​ൻ.​എ​ൽ നേ​താ​ക്ക​ൾ പ​റ​ഞ്ഞു. വാ​ർ​ത്ത​സ​മ്മേ​ള​ന​ത്തി​ൽ ജി​ല്ല പ്ര​സി​ഡ​ന്‍റ് ശോ​ഭ അ​ബൂ​ബ​ക്ക​ർ ഹാ​ജി, ജ​ന. സെ​ക്ര​ട്ട​റി ഒ.​പി അ​ബ്ദു​റ​ഹി​മാ​ൻ എ​ന്നി​വ​രും പ​ങ്കെ​ടു​ത്തു.