അരമണിക്കൂർ അധ്യയനം വർധിപ്പിക്കുന്ന ഹൈസ്കൂൾ ക്ലാസുകൾക്കായുള്ള കരട് ടൈംടേബിൾ തയാറായി. നിലവിൽ പത്ത് മണിക്ക് തുടങ്ങുന്ന സ്കൂളുകളിൽ ഹൈസ്കൂൾ ക്ലാസുകൾക്ക് 9.45ന് അധ്യയനം തുടങ്ങുകയും നാലിന് അവസാനിക്കുന്നത് 4.15ന് ആക്കിയുമാണ് ടൈംടബിൾ തയാറാക്കിയത്. എട്ട് പീരിയഡുകളിൽ രണ്ടെണ്ണത്തിൽ അര മണിക്കൂറും ആറെണ്ണത്തിൽ 45 മിനിറ്റുമാണ് ദൈർഘ്യമായി നിർദേശിച്ചിരിക്കുന്നത്
വൈകീട്ടുള്ള ഇടവേള സമയം അഞ്ച് മിനിറ്റുള്ളത് പത്ത് മിനിറ്റാക്കാനും നിർദേശമുണ്ട്. ഇതിനായി ഉച്ചഭക്ഷണ ഇടവേള ഒരു മണിക്കൂർ എന്നത് 55 മിനിറ്റുമാക്കി. രാവിലെ 9.45ന് തുടങ്ങുന്ന ഒന്നാമത്തെ പീരിയഡ് 10.30നും രണ്ടാമത്തെ പീരിയഡ് 10.30 മുതൽ 11.15 വരെയുമായിരിക്കും. ഇതിന് ശേഷം പത്ത് മിനിറ്റ് ഇടവേള. 11.25 മുതൽ 12.10 വരെ മൂന്നാമത്തെ പീരിയഡും 12.10 മുതൽ 12.50 വരെ നാലാമത്തെ പീരിയഡും. 12.50 മുതൽ 1.45 വരെയാണ് ഉച്ചഭക്ഷണ ഇടവേള
1.45 മുതൽ 2.25 വരെ അഞ്ചാമത്തെ പീരിയഡും 2.25 മുതൽ 3.05 വരെ ആറാമത്തെ പീരിയഡും. ഇതിന് ശേഷം പത്ത് മിനിറ്റ് ഇടവേള. 3.15 മുതൽ 3.45 വരെ ഏഴാമത്തെ പീരിയഡും 3.45 മുതൽ 4.15 വരെ എട്ടാമത്തെ പീരിയഡുമാണ് കരടിൽ നിർദേശിച്ചിരിക്കുന്നത്
സ്കൂളുകളിൽ എട്ട് പീരിയഡ് നിശ്ചയിച്ച് നേരത്തെ സർക്കാർ ഉത്തരവുണ്ടെങ്കിലും ഒട്ടേറെ സ്കൂളുകൾ പ്രാദേശികമായ സൗകര്യംകൂടി പരിഗണിച്ച് ഏഴ് പിരീയഡിൽ ക്രമീകരിച്ചാണ് സ്കൂൾ സമയം പൂർത്തിയാക്കുന്നത്. കരട് ടൈംടേബിൾ വിദ്യാഭ്യാസ വകുപ്പ് പരിശോധനക്ക് ശേഷം അന്തിമ തീരുമാനമെടുക്കും
