സുല്ത്താൻ ബത്തേരി: വയനാട്ടിലെ സുല്ത്താൻ ബത്തേരിയില് ആവേശമായി രാഹുല് ഗാന്ധിയുടെ റോഡ് ഷോ. സുല്ത്താൻ ബത്തേരി ടൗണിലാണ് റോഡ് ഷോ നടന്നത്. കൊടികളില്ലാതെയാണ് റോഡ് ഷോ നടന്നത്. കോണ്ഗ്രസിന്റെയോ ലീഗിന്റെയോ കൊടികള് റോഡ് ഷോയിലുണ്ടായിരുന്നില്ല. പകരം ബലൂണുകളും രാഹുല് ഗാന്ധിയുടെ ഫോട്ടോ പതിച്ച പ്ലക്കാര്ഡുകളും കൈയിലേന്തിയാണ് പ്രവര്ത്തകര് റോഡ് ഷോയില് അണിനിരന്നത്. നൂറുകണക്കിന് പ്രവര്ത്തകരാണ് റോഡ് ഷോയില് പങ്കെടുക്കുന്നത്.
